శ్వేతార్కాలో వైకుంఠ ఏకాదశి పూజ వివరాలు

వైకుంఠ ఏకాదశి సంధర్బంగా స్వయంభు శ్రీశ్వేతార్కమూలగణపతి దేవాలయంలో కొలువైవున్న శ్రీవేంకటేశ్వరస్వామివారికి ప్రత్యేక పూజలు జరుగును

కార్యక్రమ వివరాలు

ఉదయం 5.20ని౹౹ల అభిషేకం,

ఉదయం 5.45 నుండి తిరుప్పావై సేవ మరియు సామూహిక విష్ణుపారాయణం అనంతరం బాలభోగా నివేదన.

ఉదయం 6.15ని౹౹ల నుండి వైకుంఠ ద్వారాదర్శనం,విశేష అలంకరణ. దర్శన వేళలో భక్తుల హరినామ సంకీర్తన.

ఉదయం 10 గం౹౹లకు పురుషసూక్త, సుదర్శన, నరసింహ మూలమంత్ర,లక్ష్మీకుబేర గణపతి నిత్య సహస్రమోదక హోమములు

పగలు 12గం౹౹లకు మహాన్నదానం(అన్నపూర్ణ భవనంలో)

సాయంత్రం 6.30 భాగవత్గీత మరియు విష్ణు లక్ష్మీ సహస్ర నామ పారాయణములు,పూజ,హారతి,తీర్థప్రసాదా వితరణ.

గమనిక:: పై పూజ,హోమముల్లో పాల్గొన్న భక్తులు గోత్రనామాలకు 151/-(అభిషేక,హోమమ్),351/-(అభిషేక,హోమం,అన్నదానం,ప్రదోషకాలార్చన),551(అభిషేక,హోమములో కూర్చునచో-దంపతులకు మాత్రమే)1116/-అన్ని పూజలలో స్వయంగా కూర్చినవచ్చు(ప్రత్యేక ప్రసాదం ఇవ్వబడును)

ఈ సందర్బంగా.. వైకుంఠ ఏకాదశి నాడు జరిపే ఉత్తర ద్వారా దర్శనం ప్రత్యేకత..
రాక్షసుల బాధలు భరించలేక దేవతలు బ్రహ్మతో సహా వైకుంఠం వెళ్లి ఉత్తర ద్వారం దాటి శ్రీమన్నారాయణుని దర్శించి తమ బాధలను విన్నవించి, స్వామి అనుగ్రహంతో రాక్షస పీడ వదిలించుకున్నారు.
ఉత్తరద్వారం గుండా వెళ్లి వైకుంఠ దర్శనం చేసుకోవడం వల్ల వైకుంఠ ఏకాదశిగాను, దివి నుంచి భువికి దిగి వచ్చిన మూడు కోట్ల దేవతలకు శ్రీ మహావిష్ణువు దర్శనాను గ్రహం ప్రాప్తించడం వల్ల ముక్కోటి ఏకాదశిగాను ఈ పర్వదినం ప్రాశస్త్యాన్ని సంతరించుకుంది. దీన్నే హరివాసరమని, హరిదినమని వైకుంఠ దినమని అంటారు.
ఈ ఒక్క ఏకాదశి మూడు కోట్ల ఏకాదశులతో సమానమని తెలుస్తుంది. ధనుర్మాసంలో వచ్చే ఈ ఏకాదశే సంవత్సరంలోని ఇరవై నాలుగు ఏకాదశులలో శ్రీ మహావిష్ణువుకు అత్యంత ప్రీతికరమైనది ఈ వైకుంఠ ఏకాదశి. ఈనాడు “వైకుంఠ ఏకదశీ వ్రతం” ఆచరించిన వారికిశుభఫలితాలుంటాయి. బాధలు అనుభవిస్తున్న పితృదేవతలకు విముక్తి కూడా ఈ రోజే కలుగుతుంది. ఈ రోజుప్రాత: కాలంలో ప్రత్యేక ఉత్తర ద్వార దర్శనం కలిగించుకోవడం మంచిది. సూర్యుడు ఉత్తరాయణ పుణ్యకాల ప్రవేశానికి ఉత్తర ద్వారం శుభ సంకేతం. దక్షిణాయనంలో మరణించిన పుణ్యాత్ములందరూ వైకుంఠ ద్వారం తెరిచినప్పుడు దాని గుండా స్వర్గంలోనికి ప్రవేశిస్తారని పురాణాలు చెబుతున్నాయి.
అందుకే ఈ పర్వదినాన ఉపవాసముండి శ్రీమహావిష్ణువును ఆరాధించాలి. నిష్ఠతో దీక్షను ఆచరించి రాత్రి జాగరణ చేయాలి. ద్వాదశి రోజున మళ్లీ భగవదారాధన ముగించుకుని పారాయణ చేసి భుజించాలి.
ఉపవసించలేనివారు నెయ్యి, నీరు, పాలు, నువ్వులు, పండ్లు భుజించి ఉండవచ్చును. ముక్కోటి ఏకాదశి నడు చేసే విష్ణు పూజ, గీతా పారాయణం, గోవింద నామ స్మరణం, పురాణ శ్రవణం మోక్ష ప్రాప్తిని కలిగిస్తాయి. ఇంకా ఏకాదశి వ్రతముండే వారికి మరు జన్మంటూ కూడా ఉండదని శాస్త్రం తెలుపుతుంది.

ఉత్తరద్వారా దర్శనం-స్వర్గ ద్వారా మార్గమా ?

వైకుంఠ ఏకాదశి, ఉత్తర ద్వార దర్శనం. దీనినే ముక్కోటి ఏకాదశి అని అంటారు. ధనుర్మాసంలో వచ్చే శుద్ధ ఏకాదశికి వైకుంఠ ఏకాదశి అని, ముక్కోటి ఏకాదశి అని అంటారు. ఆషాఢ శుద్ధఏకాదశి నాడు పాలసముద్రంలో యోగనిద్రలో గడిపి కార్తిక శుద్ధ ఏకాదశి నాడు మేల్కొన్న శ్రీ మహావిష్ణువు ఈ ఏకాదశి రోజున శ్రీదేవి, భూదేవి తో కలిసి గరుడవాహనం మీద వైకుంఠానికి రాగా వైకుంఠ ఉత్తరద్వారం వద్ద సకల దేవతలు శ్రీ మహా విష్ణువును పూజించారని పురాణ కధనం.

ఈ ఏకాదశి నాడు శ్రీ మహా విష్ణువు 33 కోట్లమంది దేవతలతో వైకుంఠం నుండి భూమికి దిగివస్తాడు కనుక దీనిని ముక్కోటి ఏకాదశి అంటారు.

కృతయుగంలో చంద్రావతి అనే నగరాన్ని రాజధానిగా చేసుకుని ‘ముర ‘ అనే అసురుడు రాజ్యపాలన చేస్తూ ఉండే వాడు. వాడు దేవతలను గాలిస్తూ వచ్చాడు. అప్పుడు దేవతలు వైకుంఠం విష్ణుమూర్తితో మొరపెట్టుకోగా, విష్ణువు వారి దీనస్థితిని చూడలేక భూమికి దిగివచ్చి మురాసురుణ్ణి అంతం సంహరించాడు. ఆ సంహారం ఈ ఏకాదశి నాడే జరిగింది. విష్ణు వైకుంఠం నుండి భూమికి దిగివచ్చిన రోజు కనుక దీనిని వైకుంఠ ఏకాదశి అన్నారు.

ఈ రోజున విష్ణుముర్తి ఆలయాలు, ఆయన అవతారాలకు సంబంధించిన ఆలయాల్లో ఉత్తరద్వారం తెరుస్తారు. దీనిని స్వర్గ ద్వారం అంటారు. ఈ ద్వార వెళ్ళి పరమాత్మను దర్శించుకుంటే వైకుంఠప్రాప్తి లభిస్తుంది.

ఉత్తరద్వార దర్శనం” గురించి తాత్వికంగా చెప్పుకోవలసి వస్తే ఉత్తరం అంటే పైభాగం అని, తరువాత వచ్చేది అని అర్ధాలు ఉన్నాయి. ఇప్పుడున్న జీవన విధానం నుంచి ఉన్నత స్థితికి, భౌతికజీవనం నుంచి ఆధ్యాత్మిక జీవనానికి ఇది నాంది పలుకుతుంది.

మన శరీరంలో ఆరుచక్రాలు ఉంటాయి. మనలో ఉన్న కుండలిని శక్తిని జాగృతం చేసి, మూలాధార చక్రం నుండి స్వాధిష్టాన, మణిపూరక, అనహత, విశుద్ధి, ఆజ్ఞ చక్రాలను దాటుకుంటూ ఊర్ధ్వముఖంగా (పైకి) ప్రయాణింపజేసి ఏడవదైన సహస్రార చక్రంలో సహస్రకమలంలో పరమాత్మను దర్శించి, బ్రహ్మరంధ్రం ద్వారా జీవాత్మను సచ్చిదానంద రూపమైన పరమాత్మలోఐక్యమవడమే ఉత్తరద్వార దర్శనం అని చెప్పవచ్చు.

వైకుంఠ ఏకాదశి పాటించాల్సిన విధివిధానాలు

06-01-2020 అనగా రేపటి రోజున” వైకుంఠ ఏకాదశి ”
ప్రాముఖ్యత,విశిష్టత,ఆచరించవలసిన పద్దతులు తెలుసుకుందాం!

ఒక్క రోజు ముందుగానే మీకు,మీ కుటుంబసభ్యులకు,మిత్రులకు శ్రేయోభిలాషులకు
…….. ముక్కోటి ఏకాదశి శుభాకాంక్షలు ……..

🌴🌻🌹శ్రీరామరక్ష – సర్వజగద్రక్ష🌹🌻🌴

🌴☝🌺ముక్కోటి ఏకాదశి -వైకుంఠ ఏకాదశి🌺☝🌴

ఏడాదికి 24 ఏకాదశులు వస్తాయి. సూర్యుడు ఉత్తరాయణానికి మారే ముందు వచ్చే ధనుర్మాస శుద్ధ ఏకాదశినే వైకుంఠ ఏకాదశి లేదా ముక్కోటి ఏకాదశి అంటారు. సూర్యుడు ధనుస్సులో ప్రవేశించిన అనంతరం మకర సంక్రమణం వరకు జరిగే ‘మార్గం’ మధ్య ముక్కోటి ఏకాదశి వస్తుంది. ఈ రోజున వైకుంఠ వాకిళ్లు తెరుచుకొని ఉంటాయని వైష్ణవాలయాలలో గల ఉత్తర ద్వారం వద్ద భక్తులు తెల్లవారుజామునే భగవద్దర్శనార్థం వేచి ఉంటారు. ఈ రోజు మహావిష్ణువు గరుడ వాహనారూఢుడై మూడు కోట్ల దేవతలతో భూలోకానికి దిగివచ్చి భక్తులకు దర్శనమిస్తాడు కనుక దీనికి ముక్కోటి ఏకాదశి అనే పేరు వచ్చిందంటారు. ఈ ఒక్క ఏకాదశి మూడు కోట్ల ఏకాదశులతో సమమైన పవిత్రతను సంతరించుకున్నందువల్ల దీన్ని ముక్కోటి ఏకాదశి అంటారని కూడా చెబుతారు. ముక్కోటి ఏకాదశి నాడే హాలాహలం, అమృతం రెండూ పుట్టాయి. ఈ రోజునే శివుడు హాలాహలం మింగాడు. మహాబారత యుద్ధంలో భగవద్గీతను కృష్ణుడు అర్జునునికి ఇదే రోజున ఉపదేశించాడని విశ్వాసం ఉంది.

👉🏿👉🏿ఈ రోజున ముఖ్యమైనవి::👏

ఉపవాసం, జాగరణ. జపం, ధ్యానం.
విష్ణుపురాణం ప్రకారం ఇద్దరు రాక్షసులు తనకు వ్యతిరేకంగా ఉన్నా మహావిష్ణువు వారి కోసం తన వైకుంఠ ద్వారాలను తెరిచాడనీ, తమ కథ విని, వైకుంఠ ద్వారం గుండా వస్తున్న విష్ణు స్వరూపాన్ని చూసిన వారికి వైకుంఠం ప్రవేశం కల్పించాలనీ వారు కోరారు. అందుజేతనే ఆ రోజును వైకుంఠ ద్వారాన్ని తలపించే విధంగా వైష్ణవ ఆలయాల్లో ద్వారాలను ఏర్పాటు చేస్తారు. ఈ రోజు భక్తులు ఉత్తరద్వారం గుండా వెళ్ళి దర్శనం చేసుకొంటారు.
పద్మ పురాణం ప్రకారం విష్ణువునుంచి ఉద్భవించిన శక్తి ముర అనే రాక్షసుడిని సంహరించిన రోజు వైకుంఠ ఏకాదశి. ముర అనే రాక్షసుడి దురాగతాలు భరించలేక దేవతలు విష్ణువు శరణువేడగా ఆయన వాడితో తలపడి వాడిని సంహరించేందుకు ప్రత్యేక అస్త్రం కావాలని గ్రహించి బదరికాశ్రమంలోని హైమావతి గుహలోకి ప్రవేశించాడు. అక్కడ విశ్రమిస్తున్న విష్ణువును ముర సంహరించేందుకు ప్రయత్నించగా ఆయన నుంచి ఒక శక్తి ఉద్భవించి తన కంటి చూపుతో మురను కాల్చి వేసింది. అప్పుడు విష్ణువు సంతసించి ఆమెకు ఏకాదశి అని పేరు పెట్టి వరం కోరుకోమని చెప్పాడు. ఆ రోజున ఉపవాసం ఉన్న వారి పాపాలను పరిహరించాలని ఆమె కోరింది. ధనుర్మాస శుక్ల ఏకాదశి రోజున ఉపవాసం ఉన్న వారికి వైకుంఠప్రాప్తి కలుగుతుందని విష్ణువు వరమిచ్చాడు. వైకుంఠ ఏకాదశి రోజు ముర బియ్యంలో దాక్కుంటాడని, అందుకే బియ్యంతో చేసిన ఏ పదార్థం తినకుండా ఉండాలని అంటారు. ఈ రోజున ఉపవాసం ఉంటే మిగతా 23 ఏకాదశులు ఉపవాసం ఉన్నట్టే అని విష్ణుపురాణం చెబుతోంది. ముర అంటే తామసిక, రాజసిక గుణాలకు, అరిషడ్వర్గాలకు ప్రతీక. వీటిని ఉపవాస జాగరణల ద్వారా జయిస్తే సత్వ గుణం లభించి తద్వారా ముక్తికి మార్గం ఏర్పడుతుంది. వరి అన్నంలో ముర నివాసం ఉంటాడు కనుక మందబుద్ధిని ఇచ్చిని జాగురూకతను దెబ్బతీస్తాడని అంతరార్థం.ఏకాదశినాడు ఉపవాసం ఉండి, ద్వాదశినాడు అన్న దానం చేస్తారు. ఒకరోజు భోజనం చేయక తరువాతి రోజు చేయడం వలన జిహ్వకు భోజనం రుచి తెలుస్తుంది.
గీతోపదేశం జరిగిన రోజు కనుక ‘భగవద్గీత’ పుస్తకదానం చేస్తారు.

వైకుంఠ ఏకాదశి పేరు

వైకుంఠ ఏకాదశి అనే పేరులో వైకుంఠ, ఏకాదశి అని రెండు పదాలున్నాయి. వైకుంఠ శబ్దం ఆకారాంత పుంలింగం. ఇది విష్ణువునూ, విష్ణువుండే స్థానాన్ని కూడా సూచిస్తుంది. చాక్షుస మన్వంతరంలో వికుంఠ అనే ఆమె నుండి అవతరించినందున విష్ణువు “వైకుంఠః” (వైకుంఠుడు) అయ్యాడు. అదేకాక జీవులకు నియంత, జీవులకు సాక్షి, భూతముల స్వేచ్ఛావిహారాన్ని అణచేవాడు – అని అర్ధాలున్నాయి.

🌲🌷 పండగ ఆచరించు విధానం 🌺🌲
ఈరోజు పూర్తిగా ఉపవసించాలి; తులసి తీర్థం తప్ప ఏదీ తీసుకోకూడదు. ద్వాదశి నాడు అతిథి లేకుండా భుజించకూడదు. ఈనాడు ఉపవసించినవారు పాప విముక్తులవుతారంటారు. ఉపవాసం వల్ల జీర్ణాశయానికి విశ్రాంతి లభించడం ఆరోగ్యప్రదం. ఆధ్యాత్మిక సాధకుల ఆరోగ్య సుస్థిరతకు ఉపవాసమొక దివ్యాస్త్రం. ఔషధం సేవించేటప్పుడు అనుపానంగా చేయవలసిన పథ్యమే ఉపవాసం. ‘లంకణం పరమౌషధ’ మనే నానుడి తెలిసిందే. ఉప అంటే దగ్గరగా, వాసం అంటే ఉండటం; దైవానికి దగ్గరవాలనేదే ఉపవాసంలోని ఆశయం. పూజ, జపం, ధ్యానం లేదా ఉపాసన మొదలైన సాధనల ద్వారా మనసును మాధవుడిపై లగ్నం చేయాలి.

ఏకాదశి వ్రతం నియమాలు :

1. దశమి నాడు రాత్రి నిరాహారులై ఉండాలి.

2. ఏకాదశి రోజు మొత్తం ఉపవాసం ఉండాలి.

3. అసత్య మాడరాదు.

4. స్త్రీ సాంగత్యం పనికి రాదు.

5. చెడ్డ పనులు, దుష్ట ఆలోచనలు చేయకూడదు.

6. ఆ రోజు రాత్రంతా జాగరణ చేయాలి.

7. అన్నదానం చేయాలి.

వైకుంఠ ఏకాదశి ఈ ఏడాది సోమవారం ( జనవరి 06) నాడు వస్తోంది.ముక్కోటి ఏకాదశి రోజున నిష్ఠతో పూజ నియమాలు ఆచరించే వారికి పుణ్యఫలముతో పాటు కార్యానుసిద్ధి చేకూరుతుందని. వైకుంఠ ఏకాదశి రోజున నిష్ఠనియమాలతో వ్రతమాచరించే వారికి మరో జన్మంటూ ఉండదని పురాణాలు చెబుతున్నాయి. ముక్కోటి ఏకాదశిన మరణించేవారికి వైకుంఠవాసం సిద్ధిస్తుందని, వైకుంఠ ద్వారాలు వారికోసం తెరిచే ఉంటాయని శాస్త్రాలు పేర్కొంటున్నాయి. ముల్లోకాలను నడిపించే విష్ణుమూర్తిని ముక్కోటి ఏకాదశిన స్తుతించే వారికి మోక్షం ప్రాప్తిస్తుంది.
పూజకు తామరపువ్వులు, తులసి దళములు ఉపయోగించాలి…….వైకుంఠ ఏకాదశి రోజున జాజిపువ్వులతో అల్లిన మాలను విష్ణుమూర్తికి సమర్పించినట్లైతే సర్వపాపాలు తొలగిపోతాయని పురాణాలు చెబుతున్నాయి.
ముక్కోటి ఏకాదశి నాడు చేసే విష్ణు పూజ, గీతా పారాయణం, గోవింద నామ స్మరణం, పురాణ శ్రవణం మోక్ష ప్రాప్తి కలిగిస్తాయి. ఇవన్నీ చేయకపోయినా.. ఓం నమోనారాయణాయ అనే అష్టాక్షరి మంత్రాన్ని 108 సార్లు జపించడం ద్వారా మీరనుకున్న కార్యాలు దిగ్విజయంగా పూర్తవుతాయి.

🌴 :: పండుగ ప్రాశస్త్యం:::🌴
ముక్కోటి ఏకాదశి ప్రాశస్త్యాన్ని వివరించే కొన్ని పురాణ కథనాలు ప్రచారంలో ఉన్నాయి
👉🏿🌷వైఖానసుడి కథ::🌷
పర్వతమహర్షి సూచనమేరకు వైఖానసుడనే రాజు వైకుంఠ ఏకాదశి వ్రతాన్ని ఆచరించినందువల్ల నరక బాధలనుభవించే పితృదేవతలు విముక్తులై స్వర్గలోకానికి వెళ్లారట!
👹👿 : మురాసురుడి కథ::😈👺
కృతయుగంలో ముర అనే రాక్షసుడు దేవతలను, సత్పురుషులను బాధించేవాడు. దేవతలు తమ గోడును విష్ణుమూర్తికి విన్నవించి, రక్షించమని ప్రార్థించారు. విష్ణువు మురాసురుడిపై దండెత్తి, మొదట రాక్షస సైన్యాన్ని సంహరించాడు. కాని మురాసురుడు మాత్రం తప్పించుకొని వెళ్లి, సాగరగర్భంలో దాక్కున్నాడు. మురాసురుణ్ని బయటకు రప్పించే ఉపాయాన్ని విష్ణువు ఆలోచించి, ఒక గుహలోకి వెళ్లాడు. విష్ణువు నిద్రిస్తున్నాడని భ్రమించిన మురాసురుడు, విష్ణువును వధించడానికి అదే అనువైన సమయమని కత్తిని ఎత్తాడు. అంతే! వెంటనే మహాలక్ష్మి దుర్గ రూపంలో అక్కడ ప్రత్యక్షమై, మురాసురుణ్ని సంహరించింది. విష్ణువు లేచి ఆమెను మెచ్చుకొని, ఆమెకు ‘ఏకాదశి’ అనే బిరుదునిచ్చాడు! అప్పటినుంచి ఏకాదశీ వ్రతం ప్రాచుర్యం పొందింది.
👉🏿::పుత్రద ఏకాదశి కథ:::👈
వైకుంఠ ఏకాదశినే పుత్రద ఏకాదశి అని కూడా పిలుస్తారు.దీని గొప్పతనాన్ని వివరించే కథ : పూర్వం మహారాజు “సుకేతుడు” ‘భద్రావతి’ రాజ్యాన్ని పరిపాలించేవాడు. అతని భార్య ‘చంపక’; మహరాణి అయినా, గృహస్ధు ధర్మాన్ని చక్కగా నిర్వహిస్తూ అతిధి అభ్యాగతులను గౌరవిస్తూ, భర్తను పూజిస్తూ, ఇంకా ఎన్నో పుణ్యకార్యాలు వ్రతాలు చేస్తూ ఉండేది. వారికి పుత్రులు లేకపోవడం జీవితంలో తీరని లోటుగా మారింది. వారు పుత్రకాంక్షతో ఎన్నో తీర్ధాలను సేవిస్తూ, ఒక పుణ్యతీర్ధం వద్ద కొందరు మహర్షులు తపస్సుల చేసుకుంటున్నారనే ‘వార్త’ తెలుసుకొని, వారిని సేవించి తనకు పుత్రభిక్ష పెట్టమని ప్రార్ధిస్తాడు. వారు మహారాజు వేదనను గ్రహించి, మీకు పుత్రసంతాన భాగ్యము తప్పక కలుగుతుందని దీవిస్తూ, నేడు ‘పుత్రద ఏకాదశి’ గావున నీవు నీ భార్యతో ఈ ఏకాదశి వ్రతాన్ని ఆచరించిన యెడల మీ కోరిక తప్పక నెరవేరుతుంది అని చెప్తారు. అంతట, ఆ వ్రత విధానాన్ని వారి ద్వారా తెలుసుకొని, వారికి మనఃపూర్వకముగా ప్రణమిల్లి సెలవు తీసుకుంటాడు. వెంటనే నగరానికి చేరుకుని జరిగిన విషయాన్ని భార్య ‘చంపక’కు చెప్తాడు. ఆమె సంతోషించి వారిద్దరు భక్తి శ్రద్ధలతో శ్రీ లక్ష్మీనారాయణులను, పూజించి మహర్షులు ఉపదేశించిన విధంగా ‘ఏకాదశీ వ్రతాన్ని’ చేస్తారు. అనంతరం కొద్దికాలానికి కుమారుడు కలుగుతాడు.
🌻👏 :: తాత్త్విక సందేశం ::👏🌻
విష్ణువు ఉండే గుహ ఎక్కడో లేదు, దేహమే దేవాలయమని శాస్త్రనిర్ణయం. కైవల్యోపనిషత్తు తెలిపినట్లుగా, ప్రతి మానవ హృదయగుహలోను పరమాత్మ ప్రకాశిస్తున్నాడు (నిహితం గుహాయాం విభ్రాజతే). అంతదగ్గరలో ఉన్న పరమాత్మను ఉద్దేశించి, ఏకాదశీవ్రతాన్ని నియమంగా ఆచరించడమంటే, ఉపవాసం ద్వారా ఏకాదశేంద్రియాలను నిగ్రహించి, పూజ-జపం-ధ్యానం మొదలైన సాధనల ద్వారా ఆరాధించడమని భావం. పంచజ్ఞానేంద్రియాలు (కళ్లు, చెవులు, మొదలైనవి) పంచ కర్మేంద్రియాలు (కాళ్లు, చేతులు మొదలైనవి), మనస్సు అనే పదకొండు ఇంద్రియాల ద్వారానే మనం పాపాలు చేస్తాం; ఆ పదకొండే అజ్ఞానానికిగ స్థానం. అందుకే పదకొండు స్థానాల్లో ఉన్న అజ్ఞానానికి ప్రతినిధి అయిన మురాసురుణ్ని, జ్ఞానప్రదాయిని అయిన ఏకాదశి మాత్రమే సంహరించగలదు. అందుకే ఏకాదశీవ్రతాన్ని నిష్ఠగా ఆచరించినవారు జ్ఞానవంతులవుతారు.
🌹👏వైకుంఠ ద్వారం::👏🌹
శ్రీరంగం లోని శ్రీ రంగనాథస్వామి దేవాలయంలో వైకుంఠ ఏకాదశి ఉత్సవాలు 21 రోజులు జరుగుతాయి. దీనిలో మొదటి భాగాన్ని పాగల్ పట్టు (ఉదయం పూజ) అని రెండవ భాగాన్ని ఇర పట్టు (రాత్రి పూజ) అని పిలుస్తారు. విష్ణువు అవతారమైన రంగనాథస్వామిని ఆరోజు వజ్రాలతో చేసిన వస్త్రాల్ని అలంకరించి వెయ్యి స్తంభాల ప్రాంగణంలోనికి వైకుంఠ ద్వారం గుండా తీసుకొని వచ్చి అక్కడ భక్తులకు దర్శనమిస్తారు. ఈ ద్వారం గుండా వెళ్ళిన భక్తులు వైకుంఠం చేరుకుంటారని భక్తుల నమ్మకం.

ధన్యోస్మి 👏👏💐💐

07 జనవరి 2020 శ్వేతార్కాలో సహస్రాధికరుచికర చిత్రాన్న పూజ

తెలంగాణగణపతిగా భాసిల్లుతోన్న కాజిపేటశ్వేతార్కగణపతి స్వామివారి సన్నిధిలో 07.1.2020 మంగళవారం సా.6గం౹౹ల నుండి సహస్రాధిక రుచికర చిత్రాన్న పూజ జరుపబడుచున్నది. ఇందులో ప్రతి ఒక్కరు పాల్గొనవచ్చు. ఈ దేవాలయ క్షేత్రములో ఎప్పుడూ కూడా బయటి నుంచి తెచ్చే భోగములు ప్రసాదములు నివేదించడంకు అనుమతించబడదు . కానీ సంవత్సరమునకు ఒకసారి మాత్రమే ఈ అవకాశము భక్తులకు కల్పించబడుచున్నది. భక్తులు తమ ఇంటి నుండి కేవలం చింతపండుతో మాత్రమే తయారు చేసిన ఒక కిలోమ్భావు ప్రమాణము కలిగిన పులిహోరలు తీసుకొని వచ్చి సాయంత్రం 5 గంటల లోపల దేవాలయములో అందించాలి . అలా భక్తుల నుండి సేకరించబడిన పులిహోర శ్రీస్వామివారి ఎదురుగా ఒక రాశిగా పోసి నివేదన చేయడం జరుగుతుంది. ముందుగా అన్నపూర్ణాదేవి పూజలు జరిపి పౌష్యలక్ష్మి ఆవాహన చేసి ఈ పూజను జరుపబడుతుంది. ఈ పూజా కార్యక్రమమునకు తెలంగాణ రాష్ట్రములోని వివిధ జిల్లాల నుంచి మాత్రమే కాకుండా ఇతర రాష్ట్రాలైన ఆంధ్రప్రదేశ్ కర్నాటక ,మహారాష్ట్ర నుంచి భక్తులు విచ్చేసి ఈ పూజల్లో పాల్గొంటారు. కావున భక్తులు అధిక సంఖ్యలో పాల్గొనగలరు స్వయంగా భగవంతునికి భోజనం పెట్టె ఈ సదావకాశమును వినియోగించుకొనగలరు.

ఇట్లు
అయినవోలు అనంత మల్లయ్య శర్మ సిద్ధాంతి దేవాలయ వ్యవస్థాపకులు

— మరిన్ని పూర్తి సమాచారం కొరకు దేవాలయ సమాచార కేంద్రంలో సంప్రదించగలరు.
— కావున ప్రతి ఒక్కరు తప్పనిసరిగా దేవాలయమునకు విచ్చేసి గణపతిని దర్శనం చేసుకొని తరించగలరు.
ఈ సమాచారాన్ని మీ యొక్క అన్ని సోషల్ మాధ్యమాల ద్వారా అందరికీ షేర్ చేయగలరు.. #శ్వేతార్కగణపతి దేవాలయ సన్నిధిలో జరుగు అన్ని పూజా కైంకర్యాల విషయాలు ఎప్పటికప్పుడు తెలుసుకోవాలనుకునేవారు సమచారమునకుTelegram : t.me/swetharka, Whatsapp : 9394810881 లేదా www. swetharka. org కి subscribe అవ్వగలరు.

ఆండ్రియాడ్ యాప్ను డౌన్లోడ్ చేసుకోనగలరు. https://play.google.com/store/apps/details?id=com.swetharka.app

పరి _పూర్ణం_ గా జరిగిన కల్యాణోత్సవం …. పుష్కలం_ గా పాల్గొన్న అయ్యప్ప భక్తులు

This slideshow requires JavaScript.

స్వయంభు శ్రీ శ్వేతార్కమూల గణపతి స్వామివారి దివ్య క్షేత్రంలో కొలువై ఉన్న హరిహరసుత శ్రీ అయ్యప్ప స్వామి దేవాలయంలో ఈ రోజున అంగరంగ వైభవంగా పూర్ణ పుష్కలంబా సమేత శ్రీఅయ్యప్పస్వామి వారికి కల్యాణోత్సవాన్ని వైభవంగా నిర్వహించడం జరిగింది. ముందుగా ఉదయం ఏడు గంటలకు రమేష్ గురుస్వామి, పిల్లల కుమారస్వామి, సాయి కృష్ణ శర్మ టం టం హరి స్వామి అభిషేక కార్యక్రమం నిర్వహించారు. ఈ అభిషేక కార్యక్రమంలో 108 లీటర్ల పాలు, పంచామృతములు మరియు నవవిధా ఫల రసములు ఉపయోగించి అభిషేకం నిర్వహించడం జరిగింది. అనంతరం వేద పండితులు సందుగుల సుధన్వాచార్య, పిల్లలమఱ్ఱి కృష్ణ మోహన్ శర్మ, దేవనూరు శశాంక శర్మ అయినవోలు రాధాకృష్ణశర్మ , వై.క్రాంతి శర్మ ఆధ్వర్యంలో కళ్యాణోత్సవము నిర్వహించడం జరిగింది. అనంతరం భ్రమరాంబ మల్లికార్జున స్వామి దేవాలయ ప్రధాన అర్చకుడు అయినవోలు ప్రవీణ్ కుమార్ శర్మ ఆధ్వర్యంలో మహా పడిపూజ నిర్వహించడం జరిగింది. ఈ కార్యక్రమంలో గురుస్వాములు గొలనకొండ శ్రీనివాస్, రమేష్ బాబు ,అయినవోలు నాగరాజ్ శర్మ తదితరులు అభిషేక పూజలు పాల్గొన్నారు. దేవాలయ కార్యకర్తలు ఎం.రజిత ఎం. కవిత ,శకుంతల ,బేబీ సాయికుమారి, రమాదేవి, సుజాత, సులోచన, అయిత ఉమాదేవి, ఎం విజయలక్ష్మి, బి.రమేష్ ప్రవీణ్ ,సాయితేజ, శృతి, మరియు దేవాలయ సిబ్బంది యల్. రవి, డి సుదీర్, వి. శ్రీనివాస్, ఏ మణిదీప్, పద్మ, గుణవతి తదితరులు పాల్గొని భక్తులకు అన్నపూర్ణ భవన్లో అన్నదానం చేశారు.

అందరూ అయ్యప్ప కళ్యాణాన్ని ఆచరించాలి

అయ్యప్ప మాల ధరించిన ప్రతి భక్తుడికి అయ్యప్ప స్వామి కరుణ పరి పూర్ణముగా పుష్కలముగా లభించాలంటే పూర్ణ పుష్కలా సమేత అయ్యప్ప స్వామి కళ్యాణం ఆచరించ వలసిన అవసరం ఉందని. దీనిని గ్రంథంలో ప్రత్యేకంగా పేర్కొనక పోయినా దేవ దేవేరి ల యొక్క ప్రవర చెప్పబడినట్లు గా దాన్ని ఆధారంగానే తీసుకొని ఈరోజు దేవాలయంలో అయ్యప్ప కళ్యాణాన్ని నిర్వహించినట్టు , తెలుగు రాష్ట్రాలలో మొదటిసారిగా 2016లో అయ్యప్ప స్వామి కళ్యాణాన్ని జరపగా.ఈ రోజు మళ్ళీ దేవాలయం లో అంగరంగ వైభవంగా కళ్యాణాన్ని జరిపించడం జరిగిందని, స్కాందపురాణంలో అయ్యప్ప చరిత్రను తెలుప పడిందని ఈ విషయం దేవదేవేరి ల యొక్క ప్రవర ద్వారా తెలుస్తున్నది చెప్పారు.. దీని ద్వారా అయ్యప్ప స్వామి కళ్యాణము ఉన్నదనే విషయం అవగతం అవుతున్నదని. మరియు తమిళనాడు ప్రాంతంలో అచ్చం కోవెలలో పూర్ణ పుష్కల సమేత అయ్యప్ప స్వామి దేవాలయం ఉన్నదని,అయ్యప్ప స్వామి కళ్యాణం చేయడం వల్ల లోక కళ్యాణం జరుగుతుందని. అందరూ పూర్ణముగా పుష్కలంగా జీవించే అవకాశం ఉంటుందని అయినవోలు అనంత మల్లయ్య శర్మ సిద్ధాంతి అయ్యప్ప స్వామి భక్తులనుద్దేశించి అనుగ్రహ భాషణం చేస్తు తెలియచెప్పారు.

ఈరోజు కార్యక్రమానికి ముఖ్య అతిథులుగా ప్రజా నాయకులు జక్కుల రవీందర్ యాదవ్ మరియు మౌనికచరణ్ రెడ్డి, వై రవీంద్ర శర్మ కంది కోట శ్రీనివాస శర్మలు హాజరయ్యారు.

ఇట్లు

అయినవోలు రాధాకృష్ణశర్మ

దేవాలయ వైదిక కార్యక్రమ నిర్వాహకులు

దేవి నవరాత్రి ఉత్సవాలు

*దేవీ నవరాత్రి ఉత్సవ వేడుకలు*

స్వయంభు శ్రీ శ్వేతార్కమూలగణపతి దేవాలయ దివ్యక్షేత్రంలో కొలువై ఉన్న శ్రీ లక్ష్మీ సరస్వతి సంతోషిమాత, అన్నపూర్ణ మాత, గాయత్రి మాత అమ్మవార్లకు *దేవి నవరాత్రి మహోత్సవాల సందర్భంగా* ప్రత్యేక పూజా కార్యక్రమాలు ఏర్పాటు చేయడం జరిగింది. ఇందులో ప్రధానంగా అమ్మవార్లకు అలంకారము అర్చన హారతి తీర్థప్రసాద వితరణ ఉంటుంది. గాయత్రి మాత అమ్మవారి దేవాలయంలో శ్రీదేవి కలశస్థాపన చేసి పదిరోజులపాటు విశేషంగా పూజా కార్యక్రమాలు జరుపబడతాయి. ప్రతిరోజు ఉదయం 9 గంటలకు బ్రహ్మశ్రీ త్రి గుల్ల శ్రీనివాస శర్మ మరియు ఎల్లంబట్ల క్రాంతి శర్మ ఆధ్వర్యంలో చతుషష్టి పూ జ విధానంతో పూజా కార్యక్రమాలు జరపబడతాయి. ప్రతిరోజు ఉదయం 10 గంటలకు కార్యకర్తలు, భక్తులచే అమ్మవారి యొక్క సహస్రనామ స్తోత్ర పారాయణలు జరుపబడతాయి. ప్రతిరోజు సాయంత్రం 6 గంటలకు *శ్రీ దేవి మహత్యం* గురించి ఉపన్యాస కార్యక్రమాలు ఉంటాయి. అనంతరం అమ్మవార్లకు విశేష పూజ, తీర్థప్రసాద వితరణ, అన్నదాన కార్యక్రమం జరపబడుతుంది. ప్రతిరోజు తాటికొండసుష్మ, సుస్మిత తలచే అమ్మవార్లకు ప్రత్యేక అలంకారములు జరుపబడతాయి. అదేవిధంగా ప్రతి రోజు అమ్మవార్లకు వివిధ రకముల నివేదనలు జరుపబడతాయి .ఈ పూజా కార్యక్రమంలో పాల్గొనాలి అనుకుంటే గోత్రనామాలు చదివించడానికి. పది రోజులకు గాను వెయ్యి నూట పదహార్లు చెల్లించవచ్చు. 2116 చెల్లించిన వారికి అమ్మవారి యొక్క ప్రసాదమును చిత్రపటమును అందించబడును. 3116 చెల్లించిన వారికి అమ్మవారి యొక్క నాలుగు రకముల ప్రసాదములు మరియు చిత్రపటం ప్రసాదంగా అందించబడును. 4116 చెల్లించిన వారికి అమ్మవారి సన్నిధిలో ఒకరోజు స్వయంగా అన్ని పూజా కార్యక్రమాల్లో పాల్గొనడమే కాకుండా వారికి భోజన ప్రసాదము మరియు చండీ హోమం నందు పాల్గొనుటకు అవకాశం కల్పించ బడుతుంది. కేవలం చండీ హోమము నందు గోత్రనామాలు చదివించి కోవాలి అనుకునేవారు 516 లు లేదా చండీ హోమమునందు స్వయంగా కూర్చోవాలి అనుకునేవారు 3116 చెల్లించాలి. భక్తులు ఈ విషయాన్ని గమనించి పూజా రుసుమును చెల్లించి
పూజా కార్యక్రమంలో పాల్గొనవలసినదిగా కోరుతున్నాము.
ఈ నెల 29వ తేదీ నుంచి వచ్చే నెల 8వ తేదీ వరకు దేవి నవరాత్రి ఉత్సవాలు
జరుపబడతాయి. కావున భక్తులు గమనించగలరు

జై గణేశా
జై మాతాజీ

మట్టితోనే ప్రారంభమయ్యే ఈ జీవితం మట్టిలోనే కలిసిపోతుంది

్వయంభు శ్రీ శ్వేతార్కమూలగణపతి దేవాలయ దివ్యక్షేత్రంలో 16 రోజులపాటు జరుపబడే గణపతి నవరాత్రి ఉత్సవ కల్యాణోత్సవం వేడుకల్లో భాగంగా ఈ రోజున రెండోవ రోజు పూజ కార్యక్రమాన్ని వైభవంగా నిర్వహించడం జరిగింది ఈరోజు ఉదయం 6 గంటలకు స్వామివారికి భక్తులచే సేకరించిన 108 లీటర్ల పాల తో మహా క్షీరాభిషేకం జరుపబడింది. ఈ క్షీరాభిషేకాన్ని ఆలయ అర్చకులు నమో నారాయణ ,అరుణ్ త్రిపాటిలు పాల్గొన్నారు. వేద పండితులు కులకర్ణి మహేశ్వర శర్మ ,అక్షయశర్మ జోషిమల్లికార్జునశర్మ లు సువర్ణ ఘర్మ అనువాకంతో ప్రత్యేక అభిషేకం నిర్వహించారు. కార్యకర్తలు శీనమ్మ, సత్యవతి తదితరులు పాల్గొన్నారు అనంతరం స్వామి వారిని ప్రత్యేకంగా అలంకరించి అష్టోత్తర శతనామార్చన చేసి భజన కార్యక్రమం నిర్వహించడం జరిగింది. 11:00 గంటలకు మహాలింగార్చన జరుపబడింది. ప్రత్యేకంగా పుట్టమన్నుతో తయారు చేయబడిన 1001 లింగాలకు అభిషేకం జరుపబడింది. నమక చమకం తో జరిగిన ఈ రుద్రాభిషేకం లో కార్యకర్తలు సులోచన, సుజాత ,అనురాధ, విజయలక్ష్మి, సాయికుమారి, రమాదేవి, అయితఉమాదేవి, శకుంతల, తారాబాయి, జయమ్మ తదితరులు పాల్గొని శివలింగానికి అభిషేకం నిర్వహించారు. ఈ సందర్భంగా ఆలపించిన భక్తిగీతాలు భక్తులను అలరించాయి అనంతరం సాయంత్రం 6 గంటలకు శ్రీ స్వామి వారికి పెసరు లడ్డు లతో ప్రత్యేక అలంకారం చేసి అర్చన చేయడం జరిగింది. ఈ రోజున ఆదిగణపతిని కుంకుమతో అలంకారం చేయడం జరిగింది. ఈ సందర్భంగా అయినవోలు రాధాకృష్ణ శర్మ భక్తులను ఉద్దేశించి మాట్లాడుతూ… మట్టి తో మొదలయ్యే ఈ మానవజన్మ చివరికి మట్టిలోనే కలిసిపోతుందని మానవుని శరీరం మీద కూడా మృత్తిక నే ఉంటుందని మృత్తిక శివలింగానికి ఆరాధన చేయడం వల్ల ముక్తి కలుగుతుందని తెలియజేశారు. మనిషిలో ఆధ్యాత్మిక భావన పెంపొందించుకునే అవసరం ప్రతి ఒక్కరిలో ఉంటుందని దేనిని మూఢ నమ్మకంగా భావించరాదని కొన్ని విషయాలు మన పూర్వీకులు మనం ఆచరించే సంప్రదాయాల వెనుక అర్థము ఉంటుందని దాని ద్వారా మనిషి సంపూర్ణమైన ఆరోగ్యాన్ని పొందగలరని తెలియజేశారు. అనంతరం భక్తులకు తీర్థ ప్రసాద వితరణ అన్నపూర్ణ భవన్లో అన్నదానమునిర్వహించడం జరిగింది. అనంతరం ఈరోజు గణపతి మూల మంత్ర సహితంగా హోమ కార్యక్రమాన్ని నిర్వహించడం జరిగింది. భూమియందు సకాలంలో వర్షాలు కురిసి సస్య వృద్ధి కలిగి రైతు క్షేమంగా ఉండాలని రైతు కు ఉఅభివృద్ధి కలగాలని కోరుతూ ఈరోజు ఋత్విక్కులు,వేద పండితులు ఈ హోమ కార్యక్రమాన్ని నిర్వహించారు ఈ కార్యక్రమంలో అయినవోలు రాధాకృష్ణశర్మ సాయి కృష్ణ శర్మ పాల్గొన్నారు అనంతరం రాత్రి 7 గంటలకు జరిగిన ప్రత్యేక సాంస్కృతిక కార్యక్రమంలో శ్రీమతి తాడూరిరేణుకా శిష్య బృందం వారిచే నృత్య ప్రదర్శనలు నిర్వహించడం జరిగింది. ఈ ప్రదర్శనలో చిన్నారులు చక్కటి నాట్యాన్ని ఆవిష్కృతం చేశారు. అనంతరం దర్బార్ సేవ నిర్వహించడం జరిగింది. వైవిధ్యభరితంగా కొనసాగిన ఈ సేవలో అనేకమంది కళాకారులు పాల్గొన్నారు స్వామివారి సన్నిధిలో ప్రతిరోజు రాత్రి 8 గంటలకు దర్బారు సేవ నిర్వహించడం జరుగుతుందని, ఈ సేవ లో పాల్గొనే వారు రాత్రి 7 గంటల 30 నిమిషాల లోపు దేవాలయానికి వచ్చి ఉండాలని ముందుగానే ఒక గంట ముందుగా తమ పేర్లను ఇవ్వాల్సిందిగా దర్బార్ సేవ నిర్వాహకులు తెలియజేశారు. ఈ కార్యక్రమంలో దేవాలయం మేనేజర్ ఎల్ రవి, శనిగరపు రాజమోహన్,అసిస్టెంట్ మేనేజర్ దుర్గమ్ సుదీర్, ఎలక్ట్రికల్ మేనేజర్ వలపు దాసు శ్రీనివాస్ ,పి ఆర్ ఓ మణిదీప్, ప్రదీప్, దినేష్, శ్రావణి ,గుణవతి తదితరులు పాల్గొన్నారు ఈనాటి పూజా కార్యక్రమాల్లో ప్రముఖ పాత్రికేయులు కొంతమంది పాల్గొన్నారు

ఇట్లు

అయినవోలు అనంత మల్లయ్య శర్మ సిద్ధాంతి కాజీపేట దేవాలయ వ్యవస్థాపకులు

వరాలు ప్రసాద్దించే వరలక్ష్మీ అమ్మవారు

పరివార సమేత స్వయంభు శ్రీశ్వేతార్కమూల గణపతి దేవాలయ దివ్య క్షేత్రంలో నేడు వరలక్ష్మి వ్రతాన్ని నిర్వహించడం జరిగింది. ఉదయం 7 గంటలకి శ్రీమహాలక్ష్మీ అమ్మవారికి విశేషంగా పంచామృత, సహస్రధారాభిషేకములు మరియు హారతి ఇవ్వడం జరిగింది. అనంతరం అలంకరణ తీర్థప్రసాద వితరణ అమ్మవారి అష్టోత్తర శతనామావళి పూజలు జరిగాయి. అష్టలక్ష్మి మూలమంత్ర హవనము మరియు నిత్య సహస్రమోదకగణపతి హోమమును లక్ష్మీ కటాక్షము కొరకై నిర్వహించడం జరిగింది. అనంతరం భక్తులచే సామూహిక వరలక్ష్మీ వ్రతాలు జనగాం,కరీంనగర్,సిద్దిపేట్,హుజురాబాద్,బాపట్ల,మహబూబాబాద్,ఆదిలాబాద్,హైదరాబాద్,భద్రాచలం తదితర ప్రాంతాల నుంచి వచ్చిన భక్తులు భక్తి శ్రద్ధలతో పూజలు చేసుకొని, ముతైదువులకు వాయనములు ఇచిపుచుకున్నారు. తదుపరి క్షేత్రంలోని అన్నపూర్ణ భవనంలో భక్తులందరికీ తీర్థప్రసాద వితరణ మహా అన్నదానం జరిగింది. ఈనాటి పూజ కార్యక్రమాలు దేవాలయ వేద పండితులు అయినవోలు రాధాకృష్ణశర్మ సాయి కృష్ణ శర్మల ఆధ్వర్యంలో వరలక్ష్మీ వ్రతాలు జరుపగా, దేవాలయ కార్యకర్తలు కవిత సీతారత్నం గుణవతి ప్రదీప్ భక్తులకు అన్నదానంలో సేవనందించారు. దేవాలయ అసిస్టెంట్ మేనేజర్ డి.సుధీర్ కుమార్,ఆర్.పి.ఆర్.వో మణి,నాగేష్, అర్చకులు ఆనంద్ కుమార్ త్రిపాటి,రాకేష్ శుక్ల,నమో నారాయణ త్రిపాటి,అరుణ్ కుమార్ త్రిపాఠి, నరేష్ మిశ్రా,హరికృష్ణ స్వామి తదితరులు పాల్గొన్నారు. ఇట్లు దేవాలయ మేనేజర్ రవి