దేవి నవరాత్రి ఉత్సవాలు

*దేవీ నవరాత్రి ఉత్సవ వేడుకలు*

స్వయంభు శ్రీ శ్వేతార్కమూలగణపతి దేవాలయ దివ్యక్షేత్రంలో కొలువై ఉన్న శ్రీ లక్ష్మీ సరస్వతి సంతోషిమాత, అన్నపూర్ణ మాత, గాయత్రి మాత అమ్మవార్లకు *దేవి నవరాత్రి మహోత్సవాల సందర్భంగా* ప్రత్యేక పూజా కార్యక్రమాలు ఏర్పాటు చేయడం జరిగింది. ఇందులో ప్రధానంగా అమ్మవార్లకు అలంకారము అర్చన హారతి తీర్థప్రసాద వితరణ ఉంటుంది. గాయత్రి మాత అమ్మవారి దేవాలయంలో శ్రీదేవి కలశస్థాపన చేసి పదిరోజులపాటు విశేషంగా పూజా కార్యక్రమాలు జరుపబడతాయి. ప్రతిరోజు ఉదయం 9 గంటలకు బ్రహ్మశ్రీ త్రి గుల్ల శ్రీనివాస శర్మ మరియు ఎల్లంబట్ల క్రాంతి శర్మ ఆధ్వర్యంలో చతుషష్టి పూ జ విధానంతో పూజా కార్యక్రమాలు జరపబడతాయి. ప్రతిరోజు ఉదయం 10 గంటలకు కార్యకర్తలు, భక్తులచే అమ్మవారి యొక్క సహస్రనామ స్తోత్ర పారాయణలు జరుపబడతాయి. ప్రతిరోజు సాయంత్రం 6 గంటలకు *శ్రీ దేవి మహత్యం* గురించి ఉపన్యాస కార్యక్రమాలు ఉంటాయి. అనంతరం అమ్మవార్లకు విశేష పూజ, తీర్థప్రసాద వితరణ, అన్నదాన కార్యక్రమం జరపబడుతుంది. ప్రతిరోజు తాటికొండసుష్మ, సుస్మిత తలచే అమ్మవార్లకు ప్రత్యేక అలంకారములు జరుపబడతాయి. అదేవిధంగా ప్రతి రోజు అమ్మవార్లకు వివిధ రకముల నివేదనలు జరుపబడతాయి .ఈ పూజా కార్యక్రమంలో పాల్గొనాలి అనుకుంటే గోత్రనామాలు చదివించడానికి. పది రోజులకు గాను వెయ్యి నూట పదహార్లు చెల్లించవచ్చు. 2116 చెల్లించిన వారికి అమ్మవారి యొక్క ప్రసాదమును చిత్రపటమును అందించబడును. 3116 చెల్లించిన వారికి అమ్మవారి యొక్క నాలుగు రకముల ప్రసాదములు మరియు చిత్రపటం ప్రసాదంగా అందించబడును. 4116 చెల్లించిన వారికి అమ్మవారి సన్నిధిలో ఒకరోజు స్వయంగా అన్ని పూజా కార్యక్రమాల్లో పాల్గొనడమే కాకుండా వారికి భోజన ప్రసాదము మరియు చండీ హోమం నందు పాల్గొనుటకు అవకాశం కల్పించ బడుతుంది. కేవలం చండీ హోమము నందు గోత్రనామాలు చదివించి కోవాలి అనుకునేవారు 516 లు లేదా చండీ హోమమునందు స్వయంగా కూర్చోవాలి అనుకునేవారు 3116 చెల్లించాలి. భక్తులు ఈ విషయాన్ని గమనించి పూజా రుసుమును చెల్లించి
పూజా కార్యక్రమంలో పాల్గొనవలసినదిగా కోరుతున్నాము.
ఈ నెల 29వ తేదీ నుంచి వచ్చే నెల 8వ తేదీ వరకు దేవి నవరాత్రి ఉత్సవాలు
జరుపబడతాయి. కావున భక్తులు గమనించగలరు

జై గణేశా
జై మాతాజీ

మట్టితోనే ప్రారంభమయ్యే ఈ జీవితం మట్టిలోనే కలిసిపోతుంది

్వయంభు శ్రీ శ్వేతార్కమూలగణపతి దేవాలయ దివ్యక్షేత్రంలో 16 రోజులపాటు జరుపబడే గణపతి నవరాత్రి ఉత్సవ కల్యాణోత్సవం వేడుకల్లో భాగంగా ఈ రోజున రెండోవ రోజు పూజ కార్యక్రమాన్ని వైభవంగా నిర్వహించడం జరిగింది ఈరోజు ఉదయం 6 గంటలకు స్వామివారికి భక్తులచే సేకరించిన 108 లీటర్ల పాల తో మహా క్షీరాభిషేకం జరుపబడింది. ఈ క్షీరాభిషేకాన్ని ఆలయ అర్చకులు నమో నారాయణ ,అరుణ్ త్రిపాటిలు పాల్గొన్నారు. వేద పండితులు కులకర్ణి మహేశ్వర శర్మ ,అక్షయశర్మ జోషిమల్లికార్జునశర్మ లు సువర్ణ ఘర్మ అనువాకంతో ప్రత్యేక అభిషేకం నిర్వహించారు. కార్యకర్తలు శీనమ్మ, సత్యవతి తదితరులు పాల్గొన్నారు అనంతరం స్వామి వారిని ప్రత్యేకంగా అలంకరించి అష్టోత్తర శతనామార్చన చేసి భజన కార్యక్రమం నిర్వహించడం జరిగింది. 11:00 గంటలకు మహాలింగార్చన జరుపబడింది. ప్రత్యేకంగా పుట్టమన్నుతో తయారు చేయబడిన 1001 లింగాలకు అభిషేకం జరుపబడింది. నమక చమకం తో జరిగిన ఈ రుద్రాభిషేకం లో కార్యకర్తలు సులోచన, సుజాత ,అనురాధ, విజయలక్ష్మి, సాయికుమారి, రమాదేవి, అయితఉమాదేవి, శకుంతల, తారాబాయి, జయమ్మ తదితరులు పాల్గొని శివలింగానికి అభిషేకం నిర్వహించారు. ఈ సందర్భంగా ఆలపించిన భక్తిగీతాలు భక్తులను అలరించాయి అనంతరం సాయంత్రం 6 గంటలకు శ్రీ స్వామి వారికి పెసరు లడ్డు లతో ప్రత్యేక అలంకారం చేసి అర్చన చేయడం జరిగింది. ఈ రోజున ఆదిగణపతిని కుంకుమతో అలంకారం చేయడం జరిగింది. ఈ సందర్భంగా అయినవోలు రాధాకృష్ణ శర్మ భక్తులను ఉద్దేశించి మాట్లాడుతూ… మట్టి తో మొదలయ్యే ఈ మానవజన్మ చివరికి మట్టిలోనే కలిసిపోతుందని మానవుని శరీరం మీద కూడా మృత్తిక నే ఉంటుందని మృత్తిక శివలింగానికి ఆరాధన చేయడం వల్ల ముక్తి కలుగుతుందని తెలియజేశారు. మనిషిలో ఆధ్యాత్మిక భావన పెంపొందించుకునే అవసరం ప్రతి ఒక్కరిలో ఉంటుందని దేనిని మూఢ నమ్మకంగా భావించరాదని కొన్ని విషయాలు మన పూర్వీకులు మనం ఆచరించే సంప్రదాయాల వెనుక అర్థము ఉంటుందని దాని ద్వారా మనిషి సంపూర్ణమైన ఆరోగ్యాన్ని పొందగలరని తెలియజేశారు. అనంతరం భక్తులకు తీర్థ ప్రసాద వితరణ అన్నపూర్ణ భవన్లో అన్నదానమునిర్వహించడం జరిగింది. అనంతరం ఈరోజు గణపతి మూల మంత్ర సహితంగా హోమ కార్యక్రమాన్ని నిర్వహించడం జరిగింది. భూమియందు సకాలంలో వర్షాలు కురిసి సస్య వృద్ధి కలిగి రైతు క్షేమంగా ఉండాలని రైతు కు ఉఅభివృద్ధి కలగాలని కోరుతూ ఈరోజు ఋత్విక్కులు,వేద పండితులు ఈ హోమ కార్యక్రమాన్ని నిర్వహించారు ఈ కార్యక్రమంలో అయినవోలు రాధాకృష్ణశర్మ సాయి కృష్ణ శర్మ పాల్గొన్నారు అనంతరం రాత్రి 7 గంటలకు జరిగిన ప్రత్యేక సాంస్కృతిక కార్యక్రమంలో శ్రీమతి తాడూరిరేణుకా శిష్య బృందం వారిచే నృత్య ప్రదర్శనలు నిర్వహించడం జరిగింది. ఈ ప్రదర్శనలో చిన్నారులు చక్కటి నాట్యాన్ని ఆవిష్కృతం చేశారు. అనంతరం దర్బార్ సేవ నిర్వహించడం జరిగింది. వైవిధ్యభరితంగా కొనసాగిన ఈ సేవలో అనేకమంది కళాకారులు పాల్గొన్నారు స్వామివారి సన్నిధిలో ప్రతిరోజు రాత్రి 8 గంటలకు దర్బారు సేవ నిర్వహించడం జరుగుతుందని, ఈ సేవ లో పాల్గొనే వారు రాత్రి 7 గంటల 30 నిమిషాల లోపు దేవాలయానికి వచ్చి ఉండాలని ముందుగానే ఒక గంట ముందుగా తమ పేర్లను ఇవ్వాల్సిందిగా దర్బార్ సేవ నిర్వాహకులు తెలియజేశారు. ఈ కార్యక్రమంలో దేవాలయం మేనేజర్ ఎల్ రవి, శనిగరపు రాజమోహన్,అసిస్టెంట్ మేనేజర్ దుర్గమ్ సుదీర్, ఎలక్ట్రికల్ మేనేజర్ వలపు దాసు శ్రీనివాస్ ,పి ఆర్ ఓ మణిదీప్, ప్రదీప్, దినేష్, శ్రావణి ,గుణవతి తదితరులు పాల్గొన్నారు ఈనాటి పూజా కార్యక్రమాల్లో ప్రముఖ పాత్రికేయులు కొంతమంది పాల్గొన్నారు

ఇట్లు

అయినవోలు అనంత మల్లయ్య శర్మ సిద్ధాంతి కాజీపేట దేవాలయ వ్యవస్థాపకులు

వరాలు ప్రసాద్దించే వరలక్ష్మీ అమ్మవారు

పరివార సమేత స్వయంభు శ్రీశ్వేతార్కమూల గణపతి దేవాలయ దివ్య క్షేత్రంలో నేడు వరలక్ష్మి వ్రతాన్ని నిర్వహించడం జరిగింది. ఉదయం 7 గంటలకి శ్రీమహాలక్ష్మీ అమ్మవారికి విశేషంగా పంచామృత, సహస్రధారాభిషేకములు మరియు హారతి ఇవ్వడం జరిగింది. అనంతరం అలంకరణ తీర్థప్రసాద వితరణ అమ్మవారి అష్టోత్తర శతనామావళి పూజలు జరిగాయి. అష్టలక్ష్మి మూలమంత్ర హవనము మరియు నిత్య సహస్రమోదకగణపతి హోమమును లక్ష్మీ కటాక్షము కొరకై నిర్వహించడం జరిగింది. అనంతరం భక్తులచే సామూహిక వరలక్ష్మీ వ్రతాలు జనగాం,కరీంనగర్,సిద్దిపేట్,హుజురాబాద్,బాపట్ల,మహబూబాబాద్,ఆదిలాబాద్,హైదరాబాద్,భద్రాచలం తదితర ప్రాంతాల నుంచి వచ్చిన భక్తులు భక్తి శ్రద్ధలతో పూజలు చేసుకొని, ముతైదువులకు వాయనములు ఇచిపుచుకున్నారు. తదుపరి క్షేత్రంలోని అన్నపూర్ణ భవనంలో భక్తులందరికీ తీర్థప్రసాద వితరణ మహా అన్నదానం జరిగింది. ఈనాటి పూజ కార్యక్రమాలు దేవాలయ వేద పండితులు అయినవోలు రాధాకృష్ణశర్మ సాయి కృష్ణ శర్మల ఆధ్వర్యంలో వరలక్ష్మీ వ్రతాలు జరుపగా, దేవాలయ కార్యకర్తలు కవిత సీతారత్నం గుణవతి ప్రదీప్ భక్తులకు అన్నదానంలో సేవనందించారు. దేవాలయ అసిస్టెంట్ మేనేజర్ డి.సుధీర్ కుమార్,ఆర్.పి.ఆర్.వో మణి,నాగేష్, అర్చకులు ఆనంద్ కుమార్ త్రిపాటి,రాకేష్ శుక్ల,నమో నారాయణ త్రిపాటి,అరుణ్ కుమార్ త్రిపాఠి, నరేష్ మిశ్రా,హరికృష్ణ స్వామి తదితరులు పాల్గొన్నారు. ఇట్లు దేవాలయ మేనేజర్ రవి

గణపతిదీక్ష -మాలధారణ చేయువారికి సూచన

గణపతిదీక్ష ..మాలధారణ చేయువారు చాలామంది మాకు ఫోన్ చేయు చున్నారు
*ముఖ్యముగా గమనింప దగిన విషయము ఏమనగా*
మాలధారణ చేయువారు కాజీపేట కే రావలసిన అవసరము లేదు. మీరు మీ సమీపంలో ఉన్న ఏదైనా గణపతి దేవాలయంనకు వెళ్లి అక్కడి పూజారి తో (రుద్రాక్ష,స్పటిక)మాలలు వేయించుకొన వచ్చును.

మరియు అక్కడి పూజారి చేతనే మాలవిసర్జన-దీక్షా విరమణ చేసుకొనవచ్చును.

మాలలకు అభిషేకము చేయించుకొని సిద్ధి బుద్ధి సహిత హరిద్రాగణపతి కి పూజ చేసి దీక్ష వస్త్రమును ధరించి మాలలు వేసుకోవలెను.
పూర్తి వివరాలకై దేవాలయ వెబ్సైట్లో నియమాలు చూడగలరు
*www.swetharka.org*

ఇట్లు
ఎల్ . రవి
గురుస్వామి
9347080055

16న శ్వేతార్క గణపతి దేవాలయముల క్షేత్రం మూసివేత

2019 జులై 16 మంగళవారం రోజున చంద్రగ్రహణం సంభవిస్తున్న సందర్భంగా తెలంగాణ గణపతిగా భాసిల్లుతోన్న వరంగల్ అర్బన్ కాజిపేట స్వయంభు శ్రీశ్వేతార్కమూల గణపతి దేవలయముల క్షేత్రం సాయంత్రం 4గంటల నుండి 17 బుధవారం ఉదయం ఆలయ సంప్రోక్షణ, శుద్ధి పుణ్యాహవచనం, దేవతామూర్తుల నిత్య సేవల అనంతరం భక్తులకు దర్శనాలకు అనుమతి ఇవ్వనున్నటు క్షేత్ర వ్యవస్థాపకుడు ఐనవోలు అనంతమల్లయ్య శర్మ సిద్ధాంతి గారు ప్రకటన చేశారు…

20 జూన్ సంకష్టహరచవితి కదలిఫల అభిషేకం

20-06-2019 గురువారం నాడు సంకట హర చవితి

స్వయంభు శ్రీశ్వేతార్కమూలగణపతి దేవాలయ దివ్యక్షేత్రంలో 20- 6-2019 నాడు గురువారం రోజున సంకష్టహారచతుర్ధిని పురస్కరించుకొని దేవాలయంలో కొలువై ఉన్న శ్రీశ్వేతార్కమూలగణపతిస్వామి వారికి ఉదయం 6గంటలకి పంచామృత అభిషేకము అనంతరం అలంకరణ హారతి తీర్థప్రసాద వితరణ. ఉదయం 10 గంటలకి నిత్య సహస్రమోదక సహిత రుద్ర హోమము తదుపరి మహా హారతి అన్నదానము తిరిగి సాయంత్రం 5 గంటలకి దుర్వా మరియు లాజలతో సంకష్టహర హోమము అనంతరం కథలీ ఫలములచే(అరటి పండులతో) శ్వేతార్కమూలగణపతిస్వామివారికి అరటి పండులచే అభిషేకం చేయడం జరుగుతున్నది.. తదుపరి హారతి ఆశీర్వచనము తీర్థప్రసాద వితరణ మహా అన్నప్రసాద వితరణ జరుగును. కావున ఇట్టి విషయాన్ని గమనించి మరిన్ని పూర్తి వివరాలకు దేవాలయ సమాచార కేంద్రం నందు లేదా 9394810881 నాకు సంప్రదించగలరు. ఇట్టి విషఈ సమాచారమును మీయొక్క అన్ని మీడియా ప్రచారమాధ్యమలలో షేర్ చేయగలరు…

ఇట్లు
దేవాలయ మేనేజర్
రవి

శ్వేతార్క నమోనమః – మాజీ mp రాపోలు ఆనందభాస్కర్

10.6.2014 నాడు స్వయంభు శ్రీశ్వేతార్కమూలగణపతిస్వామివారికి అభిషేకం చేస్తున్న సమయంలో రెండు నేత్రములు తెరుచుకోవడం గోచరణ జరిగి 5 సంవత్సరాలు పూర్తయిన తరుణంలో దేవాలయంలో విశేష పూజలు జరిగాయి. ఉ.6.30ని శ్రీస్వామివారికి పంచామృత,పంచవర్ణ, నవవిధఫలరసాభిషేకాలు మరియు అమర్నాథ జలాభిషేకము,నారికేళ హారతి అనంతరం శ్రీస్వామివారికి అభిషేకించిన జలాన్ని భక్తుల మీద సంప్రోక్షణ చేయడమైనది. తదుపరి అలంకరణ,అష్టోత్తర శతనామార్చన, సహస్రనామార్చన,షోడశ ఉపచారాలు పూజలు జరిగాయి.క్షేత్ర వైదిక నిర్వాహకులు ఐనవోలు రాధాకృష్ణశర్మ ఆధ్వర్యంలో నిత్యసహస్రమోదక సహిత రుద్ర,చతుర్వేద గణపతిసూక్త,శ్వేతార్కగణపతి మూలమంత్ర హవనము,పూర్ణాహుతి చేయడమైనది. అనంతరం భక్తులు మరియు దేవాలయ కార్యకర్తలుచే 108 సార్లు శ్వేతార్కగణపతిస్వామివారి మూలమంత్రము జపం చేయడం జరిగింది. సాయంకాల పూజల్లో భాగంగా శ్రీస్వామివారి ఆయుధమైన నాగదండమునకు విశేష పూజలు,తీర్థప్రసాద వితరణ,మహా అన్నదానము నిర్వహించారు. ఈ పూజా కార్యక్రమంలో భక్తులు సిద్దిపేట,కరీంనగర్,పెద్ద పెండ్యాల,జనగామ,పెద్దపల్లి,పరకాల,భూపాలపల్లి,కాగజ్ నగర్,గజ్వేల్,హైదరాబాద్ తదితర ప్రాంతాల నుంచి అధిక సంఖ్యలో పాల్గొన్నారు.దేవాలయ కార్యకర్తలు జయమ్మ,సుశీలబాయ్,అనురాధ,సాయికుమారి,బేబీ,గుణవతి,దినేష్ లు సేవలనందించారు. అన్నదాన కార్యక్రమంలో దేవాలయ సిబ్బంది అసిస్టెంట్ మేనేజర్ సుధీర్,పి ఆర్ ఓ మణి,శ్రీనివాస్,రాకేష్ శుక్ల,శ్రావని పాల్గొన్నారు. ఐనవోలు అనంతమల్లయ్యశర్మ సిద్ధాంతి మరియు సాయికృష్ణశర్మ ఆధ్వర్యంలో నేటి పూజా కార్యక్రమాలు ఘనంగా జరిగాయి. మరియు నేడు మాజీ రాజ్యసభ సభ్యులు బిజెపి నాయకులు రాపోలు ఆనంద్ భాస్కర్ గారు దేవాలయానికి విచ్చేశారు వీరిని రాధాకృష్ణశర్మ,హరికృష్ణస్వామి, సాయికృష్ణశర్మలు వేద మంత్రోచ్ఛారణలతో పూర్ణకుంభ స్వాగతం పలుకుతూ దేవాలయంలో కొలువై ఉన్న 29 ఉపాలయాలను దర్శింపజేశారు అనంతరం శ్రీశ్వేతార్కమూలగణపతిస్వామివారి వద్ద మొక్కులు చెల్లించుకొని,హారతి,తీర్థప్రసాద వితరణ తీసుకున్నారు. వీరిని ఆలయమర్యాదలతో చిత్రపటం,శేష వస్త్రముతో సత్కరించటం జరిగినది.

ఇట్లు దేవాలయ మేనేజర్ ఎల్ రవి

శ్వేతార్కగణపతి కళ్ళు తెరచి రేపటికి 5 సంవత్సరాలు పూర్తి, దేవాలయంలో రేపు మహా అన్నదానం

స్వయంభు శ్రీశ్వేతార్కమూలగణపతిస్వామివారు తమ యొక్క దివ్య నేత్రములు తెరచినట్టుగా గోచరమై రేపటికి 5 సంవత్సరాలు పూర్తవుతున్న సందర్భంగా…దేవాలయం లో విశేష అభిషేక, పూజ,హోమ,అన్నదాన కార్యక్రమాలు జరగనున్నాయి. స్వయం వ్యక్తంగా ప్రకాశితమై లక్షలాది మంది భక్తుల ఇంటి ఇలవేల్పు దైవంగా భాసిల్లుతున్న శ్రీ శ్వేతార్కమూలగణపతిస్వామివారు జూన్ 10 2014 మంగళవారం నాడు పాలతో అభిషేకం చేస్తున్న క్రమంలో తమ యొక్క దివ్య నేత్రాలు ఒకటి తర్వాత ఒకటి తెరిచి భక్తులను చూస్తున్నట్టుగా గోచరించింది. ఈ సందర్బంగా శ్రీస్వామివారికి రేపు ఉదయం 7గంటలకు ప్రత్యేక పంచామృత ద్వాదశ వర్ణ వివిధ నదీ సముద్ర జలములతో మరియు అమర్నాథ్ క్షేత్రం నుంచి ప్రత్యేకంగా తీసుకురాబడిన జలములతో అభిషేకం జరగనున్నది. ఆ తర్వాత విశేష అలంకరణ గణపతి పూజ,పుణ్యాహవాచనం,చతుర్వేద గణపతి సూక్త మహాగణపతి హోమం,హారతి,తీర్థప్రసాద వితరణ మరియు *మహా అన్నదాన* వితరణ జరగనున్నది. కావున యావన్మంది భక్త మహాశయులందరూ శ్రీస్వామివారి యొక్క దివ్య దర్శనము తప్పకుండా చేసుకొని శ్వేతార్కమూలగణపతిస్వామివారి యొక్క అనుగ్రహానికి పాత్రులు కాగలరు. రేపు ఉదయం 7 గంటల నుంచి అన్ని పూజా కైంకర్యాలలో భక్తులు అధిక సంఖ్యలో పాల్గొనగలరు. భక్తులు కొబ్బరికాయ,పూలు,గజమాలలు,పూలదండలు,వస్త్రములు అందించువారు ఉదయం 7 గంటల లోపల దేవాలయంలో అందించగలరు. పూర్తి వివరాలకై దేవాలయ సమాచార కేంద్రం లో సంప్రదించగలరు

ఇట్టి విషయాన్ని మీ యొక్క అన్ని సోషల్ మాధ్యమాల ద్వారా పంపించగలరు.

శ్రీ స్వామివారి కళ్ళు తెరచిన వీడియో యూట్యూబ్ లో చూడ వచ్చును.