వరాలు ప్రసాద్దించే వరలక్ష్మీ అమ్మవారు

పరివార సమేత స్వయంభు శ్రీశ్వేతార్కమూల గణపతి దేవాలయ దివ్య క్షేత్రంలో నేడు వరలక్ష్మి వ్రతాన్ని నిర్వహించడం జరిగింది. ఉదయం 7 గంటలకి శ్రీమహాలక్ష్మీ అమ్మవారికి విశేషంగా పంచామృత, సహస్రధారాభిషేకములు మరియు హారతి ఇవ్వడం జరిగింది. అనంతరం అలంకరణ తీర్థప్రసాద వితరణ అమ్మవారి అష్టోత్తర శతనామావళి పూజలు జరిగాయి. అష్టలక్ష్మి మూలమంత్ర హవనము మరియు నిత్య సహస్రమోదకగణపతి హోమమును లక్ష్మీ కటాక్షము కొరకై నిర్వహించడం జరిగింది. అనంతరం భక్తులచే సామూహిక వరలక్ష్మీ వ్రతాలు జనగాం,కరీంనగర్,సిద్దిపేట్,హుజురాబాద్,బాపట్ల,మహబూబాబాద్,ఆదిలాబాద్,హైదరాబాద్,భద్రాచలం తదితర ప్రాంతాల నుంచి వచ్చిన భక్తులు భక్తి శ్రద్ధలతో పూజలు చేసుకొని, ముతైదువులకు వాయనములు ఇచిపుచుకున్నారు. తదుపరి క్షేత్రంలోని అన్నపూర్ణ భవనంలో భక్తులందరికీ తీర్థప్రసాద వితరణ మహా అన్నదానం జరిగింది. ఈనాటి పూజ కార్యక్రమాలు దేవాలయ వేద పండితులు అయినవోలు రాధాకృష్ణశర్మ సాయి కృష్ణ శర్మల ఆధ్వర్యంలో వరలక్ష్మీ వ్రతాలు జరుపగా, దేవాలయ కార్యకర్తలు కవిత సీతారత్నం గుణవతి ప్రదీప్ భక్తులకు అన్నదానంలో సేవనందించారు. దేవాలయ అసిస్టెంట్ మేనేజర్ డి.సుధీర్ కుమార్,ఆర్.పి.ఆర్.వో మణి,నాగేష్, అర్చకులు ఆనంద్ కుమార్ త్రిపాటి,రాకేష్ శుక్ల,నమో నారాయణ త్రిపాటి,అరుణ్ కుమార్ త్రిపాఠి, నరేష్ మిశ్రా,హరికృష్ణ స్వామి తదితరులు పాల్గొన్నారు. ఇట్లు దేవాలయ మేనేజర్ రవి

శ్వేతార్కలో ప్రారంభమైన గణపతి మండల దీక్షలు

తెలంగాణ గణపతిగా భాసిల్లుతున్న వరంగల్ అర్బన్ జిల్లాలోని కాజీపేట శ్వేతార్కగణపతి క్షేత్రంలో 2019 శ్వేతార్కగణపతి నవరాత్రి ఉత్సవ ౼ కళ్యాణోత్సవ వేడుకల్లో భాగంగా 41 రోజుల మండల దీక్షలు ఈ రోజున రాష్ట్రం నలుమూలల నుండి అనేక మంది భక్తులు దేవాలయానికి చేరుకొని గణపతి మండలదీక్ష ధారణ చేసి ఉన్నారు. ఈ సంవత్సరం భక్తులు ఇంకా గణపతి మాల తీసుకోవాలనుకునే వారు 21 రోజుల,16 రోజుల,11రోజుల గణపతి దీక్షలు తీసుకొనవచ్చును. మరిన్ని పూర్తి వివరాలకు www.swetharka.org వెబ్సైట్ ద్వారా గానీ లేదా దేవాలయ సమాచార కేంద్రంలో నియమాలు మరియు పూర్తి వివరాలు తెలుసుకోగలరు. సంప్రదించండి 9394810881,9347080055

శ్వేతార్కగణపతి కళ్ళు తెరచి రేపటికి 5 సంవత్సరాలు పూర్తి, దేవాలయంలో రేపు మహా అన్నదానం

స్వయంభు శ్రీశ్వేతార్కమూలగణపతిస్వామివారు తమ యొక్క దివ్య నేత్రములు తెరచినట్టుగా గోచరమై రేపటికి 5 సంవత్సరాలు పూర్తవుతున్న సందర్భంగా…దేవాలయం లో విశేష అభిషేక, పూజ,హోమ,అన్నదాన కార్యక్రమాలు జరగనున్నాయి. స్వయం వ్యక్తంగా ప్రకాశితమై లక్షలాది మంది భక్తుల ఇంటి ఇలవేల్పు దైవంగా భాసిల్లుతున్న శ్రీ శ్వేతార్కమూలగణపతిస్వామివారు జూన్ 10 2014 మంగళవారం నాడు పాలతో అభిషేకం చేస్తున్న క్రమంలో తమ యొక్క దివ్య నేత్రాలు ఒకటి తర్వాత ఒకటి తెరిచి భక్తులను చూస్తున్నట్టుగా గోచరించింది. ఈ సందర్బంగా శ్రీస్వామివారికి రేపు ఉదయం 7గంటలకు ప్రత్యేక పంచామృత ద్వాదశ వర్ణ వివిధ నదీ సముద్ర జలములతో మరియు అమర్నాథ్ క్షేత్రం నుంచి ప్రత్యేకంగా తీసుకురాబడిన జలములతో అభిషేకం జరగనున్నది. ఆ తర్వాత విశేష అలంకరణ గణపతి పూజ,పుణ్యాహవాచనం,చతుర్వేద గణపతి సూక్త మహాగణపతి హోమం,హారతి,తీర్థప్రసాద వితరణ మరియు *మహా అన్నదాన* వితరణ జరగనున్నది. కావున యావన్మంది భక్త మహాశయులందరూ శ్రీస్వామివారి యొక్క దివ్య దర్శనము తప్పకుండా చేసుకొని శ్వేతార్కమూలగణపతిస్వామివారి యొక్క అనుగ్రహానికి పాత్రులు కాగలరు. రేపు ఉదయం 7 గంటల నుంచి అన్ని పూజా కైంకర్యాలలో భక్తులు అధిక సంఖ్యలో పాల్గొనగలరు. భక్తులు కొబ్బరికాయ,పూలు,గజమాలలు,పూలదండలు,వస్త్రములు అందించువారు ఉదయం 7 గంటల లోపల దేవాలయంలో అందించగలరు. పూర్తి వివరాలకై దేవాలయ సమాచార కేంద్రం లో సంప్రదించగలరు

ఇట్టి విషయాన్ని మీ యొక్క అన్ని సోషల్ మాధ్యమాల ద్వారా పంపించగలరు.

శ్రీ స్వామివారి కళ్ళు తెరచిన వీడియో యూట్యూబ్ లో చూడ వచ్చును.

ఘానంగ ముగిసిన దేవి నవరాత్రోత్సవ పూజలు 

swe
 స్వయంభూ శ్రీ శ్వేతార్కమూలగణపతి దేవాలయములో దసరా వేడుకలు వైభవంగా జరిగాయి. ఉదయం ఏడు గంటలకు సమస్త దేవతా మూర్తులకు స్నపన విధిని నిర్వహించి శ్వేతార్క గణపతికి పంచామృతములతో అభిషేకము జరపబడినది. తదుపరి అలంకారం అర్చన హారతి తీర్థప్రసాద వితరణ జరుపబడినది. ఈ సందర్భంగా తొమ్మిది మంది బ్రాహ్మణ ముత్తయిదువులకు సువాసినీ పూజలు జరుప బడినవి . అనంతరము రుద్ర హోమము నిత్య గణపతి హోమము చివరన పూర్ణాహుతి జరుపబడినది. కాల రాత్రి సమయంలో జరుపబడిన చండీహోమ నిర్వాహకులు బ్రహ్మశ్రీ మణికంఠ శర్మ ఆధ్వర్యంలో దేవాలయ సంప్రోక్షణ పూజ జరుపబడినది. అనంతరం చండీహోమ బలిహరణం ఇత్యాది పూజల తదుపరి కలుష ఉద్వాసన జరుపబడినది. బ్రహ్మశ్రీ ఎల్లం బట్ల క్రాంతి శర్మ ఆధ్వర్యములో సంపూర్ణ దేవీ పూజను నిర్వహించారు. బ్రహ్మశ్రీ అయినవోలు వెంకటేశ్వర శర్మ పుష్పలత దంపతులు భక్తులను ఆశీర్వదించినారు . ఈరోజు భక్తులు దేవాలయము నందు జరిగి పూజలయందు అధిక సంఖ్యలో పాల్గొని పూజలను నిర్వహించారు. భక్తులు వాహన పూజలకు బారులుతీరారు సాయంత్రం ఏడు గంటలకు అయినవోలు రాధాకృష్ణ సాయి కృష్ణ ఆధ్వర్యంలో శమీ పూజ నిర్వహింపబడినది . ఈరోజు దేవాలయ ప్రచార రథం హనుమకొండ పద్మాక్షి దేవాలయానికి తీసుకు వెళ్లడం జరిగింది. రాత్రి పూజలో భక్తులు ఒకరినొకరు శమీ పత్రములతో ఆలింగనము చేసుకున్నారు. ఈ కార్యక్రమంలో దేవాలయ మేనేజర్ యల్.రవి, సుధీర్,మణిదీప్,స్వప్న తదితరులు పాల్గొన్నారు . రథయాత్రలో శ్రీనివాస్ సాయి తేజ పాల్గొన్నారు.ఈ రోజు పూజలకు స్థానిక కార్పొరేటర్ రమారవిందర్,టాస్క్ఫోర్స్ ఆఫీసర్ యల్.రమేషకుమార్ పాల్గొన్నారు. వీరిని దేవాలయ ఆచార ప్రకారంగా శాలువాతో సత్కరించి ఆశీర్వచనం చేయబడింది.

అనంత మల్లయ్య సిద్ధాంతి