పరి _పూర్ణం_ గా జరిగిన కల్యాణోత్సవం …. పుష్కలం_ గా పాల్గొన్న అయ్యప్ప భక్తులు

This slideshow requires JavaScript.

స్వయంభు శ్రీ శ్వేతార్కమూల గణపతి స్వామివారి దివ్య క్షేత్రంలో కొలువై ఉన్న హరిహరసుత శ్రీ అయ్యప్ప స్వామి దేవాలయంలో ఈ రోజున అంగరంగ వైభవంగా పూర్ణ పుష్కలంబా సమేత శ్రీఅయ్యప్పస్వామి వారికి కల్యాణోత్సవాన్ని వైభవంగా నిర్వహించడం జరిగింది. ముందుగా ఉదయం ఏడు గంటలకు రమేష్ గురుస్వామి, పిల్లల కుమారస్వామి, సాయి కృష్ణ శర్మ టం టం హరి స్వామి అభిషేక కార్యక్రమం నిర్వహించారు. ఈ అభిషేక కార్యక్రమంలో 108 లీటర్ల పాలు, పంచామృతములు మరియు నవవిధా ఫల రసములు ఉపయోగించి అభిషేకం నిర్వహించడం జరిగింది. అనంతరం వేద పండితులు సందుగుల సుధన్వాచార్య, పిల్లలమఱ్ఱి కృష్ణ మోహన్ శర్మ, దేవనూరు శశాంక శర్మ అయినవోలు రాధాకృష్ణశర్మ , వై.క్రాంతి శర్మ ఆధ్వర్యంలో కళ్యాణోత్సవము నిర్వహించడం జరిగింది. అనంతరం భ్రమరాంబ మల్లికార్జున స్వామి దేవాలయ ప్రధాన అర్చకుడు అయినవోలు ప్రవీణ్ కుమార్ శర్మ ఆధ్వర్యంలో మహా పడిపూజ నిర్వహించడం జరిగింది. ఈ కార్యక్రమంలో గురుస్వాములు గొలనకొండ శ్రీనివాస్, రమేష్ బాబు ,అయినవోలు నాగరాజ్ శర్మ తదితరులు అభిషేక పూజలు పాల్గొన్నారు. దేవాలయ కార్యకర్తలు ఎం.రజిత ఎం. కవిత ,శకుంతల ,బేబీ సాయికుమారి, రమాదేవి, సుజాత, సులోచన, అయిత ఉమాదేవి, ఎం విజయలక్ష్మి, బి.రమేష్ ప్రవీణ్ ,సాయితేజ, శృతి, మరియు దేవాలయ సిబ్బంది యల్. రవి, డి సుదీర్, వి. శ్రీనివాస్, ఏ మణిదీప్, పద్మ, గుణవతి తదితరులు పాల్గొని భక్తులకు అన్నపూర్ణ భవన్లో అన్నదానం చేశారు.

అందరూ అయ్యప్ప కళ్యాణాన్ని ఆచరించాలి

అయ్యప్ప మాల ధరించిన ప్రతి భక్తుడికి అయ్యప్ప స్వామి కరుణ పరి పూర్ణముగా పుష్కలముగా లభించాలంటే పూర్ణ పుష్కలా సమేత అయ్యప్ప స్వామి కళ్యాణం ఆచరించ వలసిన అవసరం ఉందని. దీనిని గ్రంథంలో ప్రత్యేకంగా పేర్కొనక పోయినా దేవ దేవేరి ల యొక్క ప్రవర చెప్పబడినట్లు గా దాన్ని ఆధారంగానే తీసుకొని ఈరోజు దేవాలయంలో అయ్యప్ప కళ్యాణాన్ని నిర్వహించినట్టు , తెలుగు రాష్ట్రాలలో మొదటిసారిగా 2016లో అయ్యప్ప స్వామి కళ్యాణాన్ని జరపగా.ఈ రోజు మళ్ళీ దేవాలయం లో అంగరంగ వైభవంగా కళ్యాణాన్ని జరిపించడం జరిగిందని, స్కాందపురాణంలో అయ్యప్ప చరిత్రను తెలుప పడిందని ఈ విషయం దేవదేవేరి ల యొక్క ప్రవర ద్వారా తెలుస్తున్నది చెప్పారు.. దీని ద్వారా అయ్యప్ప స్వామి కళ్యాణము ఉన్నదనే విషయం అవగతం అవుతున్నదని. మరియు తమిళనాడు ప్రాంతంలో అచ్చం కోవెలలో పూర్ణ పుష్కల సమేత అయ్యప్ప స్వామి దేవాలయం ఉన్నదని,అయ్యప్ప స్వామి కళ్యాణం చేయడం వల్ల లోక కళ్యాణం జరుగుతుందని. అందరూ పూర్ణముగా పుష్కలంగా జీవించే అవకాశం ఉంటుందని అయినవోలు అనంత మల్లయ్య శర్మ సిద్ధాంతి అయ్యప్ప స్వామి భక్తులనుద్దేశించి అనుగ్రహ భాషణం చేస్తు తెలియచెప్పారు.

ఈరోజు కార్యక్రమానికి ముఖ్య అతిథులుగా ప్రజా నాయకులు జక్కుల రవీందర్ యాదవ్ మరియు మౌనికచరణ్ రెడ్డి, వై రవీంద్ర శర్మ కంది కోట శ్రీనివాస శర్మలు హాజరయ్యారు.

ఇట్లు

అయినవోలు రాధాకృష్ణశర్మ

దేవాలయ వైదిక కార్యక్రమ నిర్వాహకులు

అక్టోబర్ 1 మాధవానంద సరస్వతీ స్వామివారు విచ్చేయనున్నారు

*తోగుట స్వామివారి ఆగమనం*

అక్టోబర్ 1వ తేదీన పరమహంస పరివ్రాజకాచార్య శ్రీశ్రీశ్రీ మాధవానంద సరస్వతీ స్వామివారు సాయంత్రం 7 గంటలకు శ్రీ శ్వేతార్కమూల గణపతి స్వామి వారి దేవాలయ దివ్యక్షేత్రమునకు విచ్చేయనున్నారు…

రంగంపేట లోని ఆశ్రమంలో 14 మాసాలుగా అకుంఠిత దీక్షను వహించి ( చాతుర్మాస్య దీక్షను ) పూర్తి చేసుకొన్న అనంతరం మొట్టమొదటి సారిగా కాజిపేట శ్రీ శ్వేతార్కగణపతి క్షేత్రమునకు విచ్చేస్తున్న సందర్భంగా ప్రత్యేక ఆహ్వాన ఏర్పాట్లు చేయబడుచున్నవి.

అక్టోబర్ 1వ తేదీన
సాయంత్రం 6.00 గంటలకు శ్రీ స్వామీజీ వారు కాజీపేట చేరుకుంటారు
బాపూజీ నగర్ నుంచి వారికి ఘన స్వాగత యాత్ర ప్రారంభమవుతుంది.

సాయంత్రం 7 .30 నిముషాలకు దేవాలయంలో శ్రీ స్వామీజీ వారికి పాద పూజ జరుపబడుతుంది. కావున
భక్తులు అధిక సంఖ్యలో పాల్గొనగలరు.

స్వాగత యాత్రలో భక్తులు హారతులతో, ర్యాలీగా(వాహనాలతో) స్వామీజీ వారిని ఆహ్వానించుటకు పాల్గొనగలరు..

వివరాలకు 9347080055 నందు సంప్రదించగలరు

#మాధవానంద #madhavananda #సరస్వతీ #saraswathi #రంగంపేట #తోగ్గుట

రేపటి నుండి సా.6.30 నుండి బతుకమ్మ ఆటపాటలు

కార్యకర్తలకు భక్తులకు మనవిరేపటినుండి సద్దుల బతుకమ్మ పండుగ వరకు ప్రతి రోజు శ్వేతార్కమూల గణపతి దేవాలయ ప్రాంగణం లో బతుకమ్మ పండుగ జరుపబడుతుంది. ఇందులో మహిళలు ఆటపాటలతో బతుకమ్మ ని పూజిస్తారు. కావున బతుకమ్మ పండుగ లో పాల్గొనే వారంతా సాయంత్రం 6 గంటల వరకు దేవాలయానికి రాగలరుఇట్లు
మేనేజ్మెంట్
శ్వేతార్క ఆలయం

దేవి నవరాత్రి ఉత్సవాలు

*దేవీ నవరాత్రి ఉత్సవ వేడుకలు*

స్వయంభు శ్రీ శ్వేతార్కమూలగణపతి దేవాలయ దివ్యక్షేత్రంలో కొలువై ఉన్న శ్రీ లక్ష్మీ సరస్వతి సంతోషిమాత, అన్నపూర్ణ మాత, గాయత్రి మాత అమ్మవార్లకు *దేవి నవరాత్రి మహోత్సవాల సందర్భంగా* ప్రత్యేక పూజా కార్యక్రమాలు ఏర్పాటు చేయడం జరిగింది. ఇందులో ప్రధానంగా అమ్మవార్లకు అలంకారము అర్చన హారతి తీర్థప్రసాద వితరణ ఉంటుంది. గాయత్రి మాత అమ్మవారి దేవాలయంలో శ్రీదేవి కలశస్థాపన చేసి పదిరోజులపాటు విశేషంగా పూజా కార్యక్రమాలు జరుపబడతాయి. ప్రతిరోజు ఉదయం 9 గంటలకు బ్రహ్మశ్రీ త్రి గుల్ల శ్రీనివాస శర్మ మరియు ఎల్లంబట్ల క్రాంతి శర్మ ఆధ్వర్యంలో చతుషష్టి పూ జ విధానంతో పూజా కార్యక్రమాలు జరపబడతాయి. ప్రతిరోజు ఉదయం 10 గంటలకు కార్యకర్తలు, భక్తులచే అమ్మవారి యొక్క సహస్రనామ స్తోత్ర పారాయణలు జరుపబడతాయి. ప్రతిరోజు సాయంత్రం 6 గంటలకు *శ్రీ దేవి మహత్యం* గురించి ఉపన్యాస కార్యక్రమాలు ఉంటాయి. అనంతరం అమ్మవార్లకు విశేష పూజ, తీర్థప్రసాద వితరణ, అన్నదాన కార్యక్రమం జరపబడుతుంది. ప్రతిరోజు తాటికొండసుష్మ, సుస్మిత తలచే అమ్మవార్లకు ప్రత్యేక అలంకారములు జరుపబడతాయి. అదేవిధంగా ప్రతి రోజు అమ్మవార్లకు వివిధ రకముల నివేదనలు జరుపబడతాయి .ఈ పూజా కార్యక్రమంలో పాల్గొనాలి అనుకుంటే గోత్రనామాలు చదివించడానికి. పది రోజులకు గాను వెయ్యి నూట పదహార్లు చెల్లించవచ్చు. 2116 చెల్లించిన వారికి అమ్మవారి యొక్క ప్రసాదమును చిత్రపటమును అందించబడును. 3116 చెల్లించిన వారికి అమ్మవారి యొక్క నాలుగు రకముల ప్రసాదములు మరియు చిత్రపటం ప్రసాదంగా అందించబడును. 4116 చెల్లించిన వారికి అమ్మవారి సన్నిధిలో ఒకరోజు స్వయంగా అన్ని పూజా కార్యక్రమాల్లో పాల్గొనడమే కాకుండా వారికి భోజన ప్రసాదము మరియు చండీ హోమం నందు పాల్గొనుటకు అవకాశం కల్పించ బడుతుంది. కేవలం చండీ హోమము నందు గోత్రనామాలు చదివించి కోవాలి అనుకునేవారు 516 లు లేదా చండీ హోమమునందు స్వయంగా కూర్చోవాలి అనుకునేవారు 3116 చెల్లించాలి. భక్తులు ఈ విషయాన్ని గమనించి పూజా రుసుమును చెల్లించి
పూజా కార్యక్రమంలో పాల్గొనవలసినదిగా కోరుతున్నాము.
ఈ నెల 29వ తేదీ నుంచి వచ్చే నెల 8వ తేదీ వరకు దేవి నవరాత్రి ఉత్సవాలు
జరుపబడతాయి. కావున భక్తులు గమనించగలరు

జై గణేశా
జై మాతాజీ

మట్టితోనే ప్రారంభమయ్యే ఈ జీవితం మట్టిలోనే కలిసిపోతుంది

్వయంభు శ్రీ శ్వేతార్కమూలగణపతి దేవాలయ దివ్యక్షేత్రంలో 16 రోజులపాటు జరుపబడే గణపతి నవరాత్రి ఉత్సవ కల్యాణోత్సవం వేడుకల్లో భాగంగా ఈ రోజున రెండోవ రోజు పూజ కార్యక్రమాన్ని వైభవంగా నిర్వహించడం జరిగింది ఈరోజు ఉదయం 6 గంటలకు స్వామివారికి భక్తులచే సేకరించిన 108 లీటర్ల పాల తో మహా క్షీరాభిషేకం జరుపబడింది. ఈ క్షీరాభిషేకాన్ని ఆలయ అర్చకులు నమో నారాయణ ,అరుణ్ త్రిపాటిలు పాల్గొన్నారు. వేద పండితులు కులకర్ణి మహేశ్వర శర్మ ,అక్షయశర్మ జోషిమల్లికార్జునశర్మ లు సువర్ణ ఘర్మ అనువాకంతో ప్రత్యేక అభిషేకం నిర్వహించారు. కార్యకర్తలు శీనమ్మ, సత్యవతి తదితరులు పాల్గొన్నారు అనంతరం స్వామి వారిని ప్రత్యేకంగా అలంకరించి అష్టోత్తర శతనామార్చన చేసి భజన కార్యక్రమం నిర్వహించడం జరిగింది. 11:00 గంటలకు మహాలింగార్చన జరుపబడింది. ప్రత్యేకంగా పుట్టమన్నుతో తయారు చేయబడిన 1001 లింగాలకు అభిషేకం జరుపబడింది. నమక చమకం తో జరిగిన ఈ రుద్రాభిషేకం లో కార్యకర్తలు సులోచన, సుజాత ,అనురాధ, విజయలక్ష్మి, సాయికుమారి, రమాదేవి, అయితఉమాదేవి, శకుంతల, తారాబాయి, జయమ్మ తదితరులు పాల్గొని శివలింగానికి అభిషేకం నిర్వహించారు. ఈ సందర్భంగా ఆలపించిన భక్తిగీతాలు భక్తులను అలరించాయి అనంతరం సాయంత్రం 6 గంటలకు శ్రీ స్వామి వారికి పెసరు లడ్డు లతో ప్రత్యేక అలంకారం చేసి అర్చన చేయడం జరిగింది. ఈ రోజున ఆదిగణపతిని కుంకుమతో అలంకారం చేయడం జరిగింది. ఈ సందర్భంగా అయినవోలు రాధాకృష్ణ శర్మ భక్తులను ఉద్దేశించి మాట్లాడుతూ… మట్టి తో మొదలయ్యే ఈ మానవజన్మ చివరికి మట్టిలోనే కలిసిపోతుందని మానవుని శరీరం మీద కూడా మృత్తిక నే ఉంటుందని మృత్తిక శివలింగానికి ఆరాధన చేయడం వల్ల ముక్తి కలుగుతుందని తెలియజేశారు. మనిషిలో ఆధ్యాత్మిక భావన పెంపొందించుకునే అవసరం ప్రతి ఒక్కరిలో ఉంటుందని దేనిని మూఢ నమ్మకంగా భావించరాదని కొన్ని విషయాలు మన పూర్వీకులు మనం ఆచరించే సంప్రదాయాల వెనుక అర్థము ఉంటుందని దాని ద్వారా మనిషి సంపూర్ణమైన ఆరోగ్యాన్ని పొందగలరని తెలియజేశారు. అనంతరం భక్తులకు తీర్థ ప్రసాద వితరణ అన్నపూర్ణ భవన్లో అన్నదానమునిర్వహించడం జరిగింది. అనంతరం ఈరోజు గణపతి మూల మంత్ర సహితంగా హోమ కార్యక్రమాన్ని నిర్వహించడం జరిగింది. భూమియందు సకాలంలో వర్షాలు కురిసి సస్య వృద్ధి కలిగి రైతు క్షేమంగా ఉండాలని రైతు కు ఉఅభివృద్ధి కలగాలని కోరుతూ ఈరోజు ఋత్విక్కులు,వేద పండితులు ఈ హోమ కార్యక్రమాన్ని నిర్వహించారు ఈ కార్యక్రమంలో అయినవోలు రాధాకృష్ణశర్మ సాయి కృష్ణ శర్మ పాల్గొన్నారు అనంతరం రాత్రి 7 గంటలకు జరిగిన ప్రత్యేక సాంస్కృతిక కార్యక్రమంలో శ్రీమతి తాడూరిరేణుకా శిష్య బృందం వారిచే నృత్య ప్రదర్శనలు నిర్వహించడం జరిగింది. ఈ ప్రదర్శనలో చిన్నారులు చక్కటి నాట్యాన్ని ఆవిష్కృతం చేశారు. అనంతరం దర్బార్ సేవ నిర్వహించడం జరిగింది. వైవిధ్యభరితంగా కొనసాగిన ఈ సేవలో అనేకమంది కళాకారులు పాల్గొన్నారు స్వామివారి సన్నిధిలో ప్రతిరోజు రాత్రి 8 గంటలకు దర్బారు సేవ నిర్వహించడం జరుగుతుందని, ఈ సేవ లో పాల్గొనే వారు రాత్రి 7 గంటల 30 నిమిషాల లోపు దేవాలయానికి వచ్చి ఉండాలని ముందుగానే ఒక గంట ముందుగా తమ పేర్లను ఇవ్వాల్సిందిగా దర్బార్ సేవ నిర్వాహకులు తెలియజేశారు. ఈ కార్యక్రమంలో దేవాలయం మేనేజర్ ఎల్ రవి, శనిగరపు రాజమోహన్,అసిస్టెంట్ మేనేజర్ దుర్గమ్ సుదీర్, ఎలక్ట్రికల్ మేనేజర్ వలపు దాసు శ్రీనివాస్ ,పి ఆర్ ఓ మణిదీప్, ప్రదీప్, దినేష్, శ్రావణి ,గుణవతి తదితరులు పాల్గొన్నారు ఈనాటి పూజా కార్యక్రమాల్లో ప్రముఖ పాత్రికేయులు కొంతమంది పాల్గొన్నారు

ఇట్లు

అయినవోలు అనంత మల్లయ్య శర్మ సిద్ధాంతి కాజీపేట దేవాలయ వ్యవస్థాపకులు

గణపతి దీక్ష సామగ్రి

దీక్ష తీసుకొనే భక్తులు తెచ్చుకోవలసిన సామగ్రి.
(1)పసుపు,కుంకుమ
(2)2.1/4 కేజీ ల బియ్యం
(3)తమలపాకులు(21)
(4)పోకలు,కార్జురాలు(5,5)
(5)దీపారాధన సామగ్రి
(6)అగర్ బత్తిలు,పూలు,కర్పూరం,గరిక
(7)తెల్లని వస్త్రములు(లుంగీ లేదా తెల్ల ప్యాంటు కొత్తవి లేదా పాతవి)
(8)అరుద్రా రంగు ఉత్తరీయం
(9)1.1/4 మంచి నూనె
(10)1.1/4.పప్పు
(11)1.1/4.కాయగూరలు
(12)1.1/4.ఆకుకూరలు
(13)రుద్రాక్ష లేదా స్పటిక మాలలు.(108 గలది.ఒకటి.54 గలది.ఒకటి)
(14)100 గ్రాముల కొబ్బరి నూనె
(15)కొబ్బరికాయలు 2
(16)పంచామృతాలు
(17)మట్టి చిప్ప పెద్దది

(18) ఎండు కొబ్బరి 1

(19) విస్తారు/ప్లేట్మా మరియు గ్లాస్/పంచపాత్ర 1set

ఇట్లు.
శ్వేతార్కా దేవాలయ మేనేజ్మెంట్
కాజిపేట్.

వివరాలకు 9347080055,9394810881 లో సంప్రదించగలరు

నవరాత్రుల సందర్బంగా కార్యకర్తల ద్వితీయ సమావేశ తేదీ22-08-2019.గురువారం

*కార్యకర్తలకు, భక్తులకు సమావేశ ఆహ్వానము*

*22.8.2019 గురువారం*
రోజున ఉదయం 10 గంటలకు దేవాలయ ప్రాంగణములో *కార్యకర్తల ద్వితీయ సమావేశమును*
ఏర్పాటు చేయబడింది.
_*~*సమావేశం10గంటలకు ప్రారంభమై 11గంటల వరకు పూర్తి అగును…….. గమనించగలరు**~_
ప్రతి ఒక్కరు తప్పనిసరిగా ఉదయం 9.30 ని.ల లోపున దేవాలయ ప్రాంగణంలో కి వచ్చి ఉండా లి.

👉 మొన్న జరిగిన సమావేశమునకు రాని వారంతా తప్పక ఈ సమావేశమునకు హాజరు కావాలి. మరియు
*కార్యకర్తలందరూ కూడా తప్పక పాల్గొనాలి.*

👉ఈనాటి సమావేశమునకు
శ్రీశ్రీ చినజీయర్ స్వామి వారి పర్యవేక్షణలో సేవ చేసే దాదాపు 30మంది మహిళాసేవకులు కూడా పాల్గొంటున్నారు
👉కాజీపేటకు దూరంలో ఉన్నవారు అనగా హైదరాబాద్,నల్గొండ,
ఖమ్మం,మంచిర్యాల,కరీంనగర్ లాంటి దూరం లో ఉన్నవారు కూడా వీలు కలిపించుకొని తప్పక ఈ సమావేశమునకు రావాలి.

👉 ఈ రోజున వచ్చే వారికి
*బ్యాడ్జ్ కొరకు ఫోటో తీసుకోవడం జరుగుతుంది.*
ఈ రోజు మాత్రమే ఫోటో తీయబడును. తదుపరి అవకాశం ఉండదు.

👉ఈ సమావేశములో కార్యకర్తలకు సేవలు కేటాయించబడుతాయి

🌴కార్యకర్తలకు పగలు భోజన ప్రసాదం ఏర్పాటు చేయబడుతుంది.

ఇట్లు
మేనేజ్మెంట్
శ్వేతార్కదేవాలయం
కాజీపేట

శ్వేతార్కాలో నవరాత్రులకు సేవ చేయుటకు కావలసినటువంటి సేవకులు

*స్వయంభు శ్రీ శ్వేతార్క మూలగణపతి స్వామివారి నవరాత్రి ఉత్సవ పూజలలో సేవకు 20 రోజులకు కావలసినటువంటి కార్యకర్తలు*

అభిషేకమునకు ఎనిమిది మంది కార్యకర్తలు

మంటపపూజకు ఇద్దరు కార్యకర్తలు

హోమమునకు ఇద్దరు కార్యకర్తలు

సాయంత్రం పూజకు నలుగురు కార్యకర్తలు

సహస్రదీపాలంకరణ సేవకు నలుగురు కార్యకర్తలు

ఊరేగింపు సేవకు నలుగురు కార్యకర్తలు

ఊరేగింపు రథమును నడుపుటకు ఒక డ్రైవర్ అవసరము

విఐపి రిసీవింగ్ కొరకు నలుగురు కార్యకర్తలు

వంట ఏర్పాట్లకు ఇద్దరు కార్యకర్తలు

అన్నదానమునకు ఎనిమిది మంది కార్యకర్తలు

అయ్యా గారి వద్ద పర్సనల్ గా ఉండుటకు ఇద్దరు కార్యకర్తలు

ఫోటో మేకింగ్ ముగ్గురు కార్యకర్తలు

స్టోర్ ఇంచార్జి ఒక కార్యకర్త

ప్రోగ్రామర్ గా ఇద్దరు కార్యకర్తలు

లైవ్ ప్రోగ్రాం కార్యకర్తలుగా ఇద్దరు కార్యకర్తలు

దేవాలయ అలంకారము నకు నలుగురు కార్యకర్తలు

స్టార్స్ నిర్వహణకు ఇద్దరు కార్యకర్తలు

బుక్ స్టాల్ నిర్వహణకు ఇద్దరు కార్యకర్తలు

కౌంటర్లో సహాయము అందించుటకు ఇద్దరు కార్యకర్తలు

ఎలక్ట్రికల్ కి సహకరించు టకు ఇద్దరు కార్యకర్తలు

అవసరంగా ఉన్నది

ఉత్సాహం కలిగినవారు 9347080055 నకు వాట్సప్ ద్వారా మీ అడ్రస్ మీ ఫోటో మరియు వివరాలు పోస్ట్ చేయగలరు.