గణపతిదీక్ష -మాలధారణ చేయువారికి సూచన

గణపతిదీక్ష ..మాలధారణ చేయువారు చాలామంది మాకు ఫోన్ చేయు చున్నారు
*ముఖ్యముగా గమనింప దగిన విషయము ఏమనగా*
మాలధారణ చేయువారు కాజీపేట కే రావలసిన అవసరము లేదు. మీరు మీ సమీపంలో ఉన్న ఏదైనా గణపతి దేవాలయంనకు వెళ్లి అక్కడి పూజారి తో (రుద్రాక్ష,స్పటిక)మాలలు వేయించుకొన వచ్చును.

మరియు అక్కడి పూజారి చేతనే మాలవిసర్జన-దీక్షా విరమణ చేసుకొనవచ్చును.

మాలలకు అభిషేకము చేయించుకొని సిద్ధి బుద్ధి సహిత హరిద్రాగణపతి కి పూజ చేసి దీక్ష వస్త్రమును ధరించి మాలలు వేసుకోవలెను.
పూర్తి వివరాలకై దేవాలయ వెబ్సైట్లో నియమాలు చూడగలరు
*www.swetharka.org*

ఇట్లు
ఎల్ . రవి
గురుస్వామి
9347080055

భౌమ అమావాస్య నగదండం పూజలు

భౌమఅమావాస్య సందర్బంగా. ఈరోజు శ్రీ శ్వేతార్క మూలగణపతి స్వామివారి సన్నిధిలో ప్రత్యేక నాగదండ పూజలు

జేష్ట అమావాస్య మంగళవారం రోజుగా కలసిరావడం విశేషంగా భావిస్తు…ఈ రోజున శ్రీ శ్వేతార్కగణపతి స్వామి వారి సన్నిధిలో భౌమ అమావాస్య పూజలను ప్రత్యేకంగా జరుపబదుచున్నవి.

భౌమ అమావాస్య అనగా మంగళవారం నాటి రోజున అమావాస్య కలసి వస్తే దానిని భౌమ అమావాస్య అని అంటారు. ఈ రోజున విశేషించి తెల్ల జిల్లేడు పూవులతో మరియు ఎర్రని మందార పువ్వులతో గణపతికిఆయుధమైన నాగదండమును పూజించిన, గణపతికి ప్రీతికరంగా 16 ప్రదక్షిణాలు చేసినా కోరిన కోరికలు నెరవేరుతాయి.

విశేషించి శ్వేతార్కగణపతి స్వామి వారి ఆభరణమైన నాగదండమునకు విశేష పూజలు జరిపిన సంతాన దోషాలు,రాహుకేతు సర్పదోషాలు పోతాయి.
అలాంటి వారు ఈ రోజున ప్రదోషకాలములో నాగ దండమును ఆరాధించినచో మంచిదని తెలుస్తుంది.

ఈ సందర్బంగా ఈ రోజు సాయంత్రం 7 గంటలకు దేవాలయములో గల నాగదండమునకు ప్రత్యేక అలంకరణ , హారతి భజనలతో విశేష పూజా కైంకర్యాలు జరగనున్నవి.భక్తులు కొబ్బరికాయ, పూలు(తెలుపు,ఎరుపు), పూలమాలలు,శర్కర, బెల్లం తీసుకొనిరగలరు..గోత్రనామాలకు సమాచార కేంద్రంలో సంప్రదించగలరు.

కావున ప్రతి ఒక్కరు తప్పనిసరిగా దేవాలయమునకు విచ్చేసి గణపతిని,నాగదండమును దర్శనం చేసుకొని తరించగలరు.

ఈ సమాచారాన్ని మీ యొక్క అన్ని సోషల్ మాధ్యమాల ద్వారా అందరికీ షేర్ చేయగలరు.. #శ్వేతార్కగణపతి దేవాలయ సన్నిధిలో జరుగు అన్ని పూజా కైంకర్యాల విషయాలు ఎప్పటికప్పుడు తెలుసుకోవాలనుకునేవారు ఆండ్రియాడ్ యాప్ను డౌన్లోడ్ చేసుకోనగలరు. https://play.google.com/store/apps/details?id=com.swetharka.app

ఇట్లు
దేవాలయ పరిపాలన నిర్వాహకులు

*ఐనవోలు సాయి కృష్ణ శర్మ*

శ్వేతార్కలో ఘనంగా కూర్మజయంతి పూజలు మరియు లక్ష్మీనారాయణ కళ్యాణోత్సవం

కాజీపేటలోని శ్వేతార్కమూలగణపతి దివ్య క్షేత్రంలో కూర్మ జయంతి వేడుకలు అంగరంగ వైభవంగా జరిగాయి. ఈ సందర్భంగా దేవాలయంలో గత ఆరు సంవత్సరాలుగా ప్రత్యక్ష కుర్మా స్వామికి ప్రత్యేక పూజలు ప్రతి మంగళవారం మరియు పర్వదినముల యందు జరుగుతున్నవి. కూర్మ జయంతి పురస్కరించుకొని ఉదయం ఏడు గంటలకు గణపతి పూజ,పుణ్యాహవాచనం ఆ తదుపరి వెంకటేశ్వరస్వామివారికి మరియు ప్రత్యక్ష కూర్మ దేవునికి పంచామృత,పంచవర్ణములతో విశేష అభిషేకము చేయడమైంది. అనంతరం ప్రత్యేక అలంకరణ హారతి తీర్థప్రసాద వితరణ జరిగింది. లక్ష్మీనారాయణ మూలమంత్ర సహిత నిత్య సహస్రమోదక గణపతి హోమం, సుదర్శన్ మూలమంత్ర హోమాలు జరిగాయి. ఉదయం 11 గంటలకు లక్ష్మీ నారాయణలకు కళ్యాణ మహోత్సవం వైభవంగా జరిగింది. అనంతరం హైదరాబాద్ వాస్తవ్యులు కాశి స్వాతి రమేష్ శర్మ లు భక్తులకు మహా అన్నదానం చేశారు. ఈనాటి కార్యక్రమాలు అయినవోలు అనంతమల్లయ్యశర్మ గారి ప్రత్యక్ష పర్యవేక్షణలో అయినవోలు రాధాకృష్ణశర్మ మరియు యల్లంభట్ల క్రాంతి కుమార్ శర్మ, యల్లంభట్ల రవీందర్ శర్మ,దయాకర్ స్వామిల నిర్వహణలో అభిషేక,పూజ,హోమ,కళ్యాణోత్సవ కార్యక్రమాలు వైభవంగా నిర్వహించారు.

20 జూన్ సంకష్టహరచవితి కదలిఫల అభిషేకం

20-06-2019 గురువారం నాడు సంకట హర చవితి

స్వయంభు శ్రీశ్వేతార్కమూలగణపతి దేవాలయ దివ్యక్షేత్రంలో 20- 6-2019 నాడు గురువారం రోజున సంకష్టహారచతుర్ధిని పురస్కరించుకొని దేవాలయంలో కొలువై ఉన్న శ్రీశ్వేతార్కమూలగణపతిస్వామి వారికి ఉదయం 6గంటలకి పంచామృత అభిషేకము అనంతరం అలంకరణ హారతి తీర్థప్రసాద వితరణ. ఉదయం 10 గంటలకి నిత్య సహస్రమోదక సహిత రుద్ర హోమము తదుపరి మహా హారతి అన్నదానము తిరిగి సాయంత్రం 5 గంటలకి దుర్వా మరియు లాజలతో సంకష్టహర హోమము అనంతరం కథలీ ఫలములచే(అరటి పండులతో) శ్వేతార్కమూలగణపతిస్వామివారికి అరటి పండులచే అభిషేకం చేయడం జరుగుతున్నది.. తదుపరి హారతి ఆశీర్వచనము తీర్థప్రసాద వితరణ మహా అన్నప్రసాద వితరణ జరుగును. కావున ఇట్టి విషయాన్ని గమనించి మరిన్ని పూర్తి వివరాలకు దేవాలయ సమాచార కేంద్రం నందు లేదా 9394810881 నాకు సంప్రదించగలరు. ఇట్టి విషఈ సమాచారమును మీయొక్క అన్ని మీడియా ప్రచారమాధ్యమలలో షేర్ చేయగలరు…

ఇట్లు
దేవాలయ మేనేజర్
రవి

ఘనంగా శ్వేతార్కలో శని త్రయోదశి పూజలు

స్వయంభు శ్రీశ్వేతార్కమూలగణపతి దేవాలయ దివ్య క్షేత్రంలో శని త్రయోదశి వేళా శ్రీ జేష్ట సమేత శనీశ్వరునికి ప్రత్యేక పూజా కార్యక్రమాలు జరిగాయి. జనగామ సిద్దిపేట హుజురాబాద్ కరీంనగర్ పెద్దపల్లి కాలేశ్వరం భూపాలపల్లి పరకాల జమ్మికుంట సిరిసిల్ల వర్గల్ తదితర ప్రాంతాల నుంచి దేవాలయానికి విచ్చేసిన భక్తులు అధిక సంఖ్యలో పాల్గొన్నారు. క్షేత్ర వ్యవస్థాపకుడు అయినవోలు అనంతమల్లయ్యశర్మ సిద్ధాంతి గారి నేతృత్వంలో పూజ కార్యక్రమాలు నిర్వహించారు. భక్తులు సామూహికంగా తైలాభిషేకాలు మరియు నల్ల నువ్వులు దొడ్డు ఉప్పు నల్ల వస్త్రముతో శనిప్రతిమను తయారు చేసి విశేష అభిషేకాలు పూజలు అనంతరం నమో నారాయణ త్రిపాట్టి ఆధ్వర్యంలో నిత్య సహస్రమోదక హోమము మరియు శనీశ్వర మూలమంత్ర హోమములు నిర్వహించి అనంతరం భక్తులందరికీ అన్నపూర్ణ భవనంలో అన్నప్రసాద వితరణ జరిగింది.ఈ కార్యక్రమంలో దేవాలయం అసిస్టెంట్ మేనేజర్ డి సుధీర్ కుమార్ దేవాలయ పి ఆర్ ఓ మణిదీప్ శ్రావణి సేవకులు అనురాధ గంజి భవాని ప్రదీపు దినేష్ గుణవతి తదితరులు పాల్గొన్నారు ఇట్లు దేవాలయ మేనేజర్ రవి.
ఈ సమాచారాన్ని మీ యొక్క అన్ని ప్రసార మాధ్యమాలలో షేర్ చేయగలరు..
t.me/swetharka

శ్రీవికారి నామ సూర్యసిద్ధాంత త్రిపురారివారి పంచాంగం ఆవిష్కరణ జరిగింది

శ్రీ వికారి నామ సంవత్సర నూతన పంచాంగాన్ని ఈరోజు స్వయంభు శ్రీ శ్వేతార్కమూలగణపతి దేవాలయంలో ఆవిష్కరణ చేయడం జరిగింది. శ్రీ వికారినామ సంవత్సరంలో జరగబోయే మంచిచెడుల గురించి ఈ పంచాంగము నందు పేర్కొనడం జరిగిందని సభకు అధ్యక్షత వహించిన పంచాంగ కర్త భద్రకాళి దేవస్థాన ఆస్థాన సిద్ధాంతి శ్వేతార్కగణపతి ఆలయ వ్యవస్థాపకులు మరియు విద్వత్సభ  ఉపాధ్యక్షులు అయినవోలు అనంతమల్లయ్య శర్మ   సిద్దాంతి వివరించారు. ఈ కార్యక్రమంలో శ్వేతార్క గణపతి ఆలయ వ్యవస్థాపక చైర్మన్ అయినవోలు వెంకటేశ్వర శర్మ,బాసర దేవస్థానం సామవేద పండితులు నవీన్ శర్మ,మరియు త్రిగుళ్లశ్రీనివాస శర్మ, కందికోట శ్రీనివాస్ శర్మ, యల్లంభట్ల రవీందర్ శర్మ ,సందుగుల సాయి శర్మ , అడ్లూరు శ్రీధర్ పాల్గొన్నారు. ఈ సందర్భంగా సామవేద పండితులు నవీన్ శర్మ పంచాంగం ఆవిష్కరిస్తూ వరంగల్ భద్రకాళీ దేవస్థానం పంచాంగము ఎంతో ప్రాచుర్యమును పొందినదని హైదరాబాద్ రంగారెడ్డి మెదక్ సిద్దిపేట సంగారెడ్డి జనగామ హుస్నాబాద్ ఆదిలాబాద్ నిజామాబాద్ జిల్లాల్లో వేలాది మంది పంచాంగ అభిమానులు ఉన్నారని తెలియజేశారు. ఈ ఆవిష్కరణ కార్యక్రమానికి అయినవోలు రాధాకృష్ణ శర్మ అయినవోలు సాయి కృష్ణ శర్మ నిర్వాహకులుగా వ్యవహరించారు. పంచాంగం కావలసిన వారు శ్వేతార్క గణపతి క్షేత్రంలో, భద్రకాళి దేవస్థానంలో లభ్యమవును.

పసుపు వర్ణంలో దర్శనమిచ్చిన కాజిపేట శ్వేతార్కగణపతి

తెలంగాణగణపతిగా ప్రసిద్ధి చెందిన వరంగల్ అర్బన్ జిల్లాలోని 29దేవతమూర్తులతో ప్రత్యేక దంపత్ వాహన సమేత నవగ్రహ క్షేత్ర నిలయంగా భాసిల్లుతోన్న కాజిపేట స్వయంభుశ్రీశ్వేతార్కగణపతి క్షేత్రంలో గౌరిసంకష్టహరచవితి పురస్కరించుకుని పార్వతీ తనయుడికి మహా హరిద్రోదకాభిషేకం జరిగింది. స్వయంవ్యక్తమైన శ్వేతార్కుడికి అమ్మవారికిప్రీతిపాత్రమైన సౌమాంగళ్యసిద్ధికి దేశరాష్ట్రమంతా సుభిక్షంగా ఉండాలని గణపతి పుట్టిన నక్షత్రమైన ఈరోజు హస్త నక్షత్రం శుక్ర(లక్ష్మీ)వారం కావడం ఈరోజున కుడుములతో మరియు 438కిలోల పసుపుతో మహాహారిద్రోదకాభిషేకం జరుపబడింది.గణపతికి ప్రీతికరమైన లక్షగరికలో అలంకరణ చేశారు. వివిధరాష్ట్రాల నుండి వచ్చిన భక్తులకు మహాన్నదానము చేయడమైనది. ఐనవోలు అనంతమల్లయ్య శర్మ సిద్దాంతి గారి పర్యవేక్షణలో రాధాకృష్ణ శర్మ సాయికృష్ణశర్మల వేదమంత్రోచ్చారణలతో 4 వేదాల గణపతి ఉపనిషత్తులు సూక్తులు పారాయణములతో సిద్దిబుద్ది గణపతి మూర్తుల శరణుఘోషతో నగరసంకీర్తనలు భజనలతో క్షేత్రమంతా గణపతికి వైభవంగాసంకష్టహరగౌరిచవితి పుహాలు జరిగాయి. కోరిన కోర్కెలు తీర్చే క్షిప్రప్రసిద్ది లక్షలాదిమంది ఇంటి ఇలవేలుపు దైవంగా భాసిల్లుతోన్న ఇక్కడి శ్వేతార్కగణపతి స్వామివారు… http://www.swetharka.org./.telegram:-t.me/swetharka, WhatsApp:-+91 9394810881

రేపు గాలిగోపురం ప్రారంభోత్సవం జరుపబడుచున్నది

భక్తులకు ఆహ్వానం
21.2.2019 గురువారం రోజున ఉదయం గం. 10.19ని.లకు *పరమహంస పరివ్రాజకాచార్యశ్రీశ్రీశ్రీ మధుసూధనానంద సరస్వతి స్వామి* వారి కరకమలములచే దేవాలయ ప్రవేశ సింహద్వారం ప్రారంభోత్సవమ్ జరుపబడుచున్నది. కావున తామెల్లరూ తప్పక హాజరు కాగలరు.
ఇట్లు మేనేజ్మెంట్, శ్వేతార్కటెంపుల్,  శ్వేతార్క మార్గ్

వినాయక నగర్, విష్ణుపురి, కాజీపేట, వరంగల్ అర్బన్ జిల్లా

మాఘ స్నానం చేస్తున్నపుడు పాటించాల్సిన శ్లోకం

మాఘ పౌర్ణమి సముద్ర / నది స్నానం చేస్తున్నప్పుడు పఠించాల్సిన శ్లోకం.

దుఃఖదారిద్యనాశాయ శ్రీవిష్ణోస్తోషణాయాచ

ప్రాతః స్నానం కరోమ్యద్య మాఘేపాపవినాశనం

మకరస్దే రవౌ మాఘే గోవిందాచ్యుత మాధవ

స్నానేనానేన మే దేవ యథోక్త ఫలదో భావ
అని పఠించి, మౌనంగా స్నానం చేయాలి.
అంటే “దుఃఖములు, దారిద్ర్యము నశించుటకు పాపక్షయమగుటకు శ్రీవిష్ణుప్రీతి పూర్వకముగ 

ఈ పవిత్ర మాఘ స్నానము చేయుచున్నాను. అని అర్థము.

ఐనవోలు అనంతమల్లయ్య శర్మ సిద్ధాంతి.

మహా మాఘీ. మాఘ పౌర్ణమి

సంవత్సరానికి నెలలు 12 . నెలకి ఒక పూర్ణిమ . ఇది సర్వ సాధారణం . ఆకాశం లో గ్రహాలు తిరుగుతూ ఉండడం మూలాన అమావాస్యలు , పూర్ణిమలు మనకి లెక్కల్లోకి వస్తాయి. శాస్త్రీయం గా చందృడు .. భూమి .. సూర్యుడు గమనాల బట్టి పగలు , రాత్రులు , నెలలు , సంవత్సరాలు అని మనం లెక్కలు వేసి అనుకున్నవే . దీనినే కేలండర్ అంటాము .

తిథుల్లో ఏ పూర్ణిమ అయినా సరే ఆ పూర్ణిమకి సంబంధించిన దేవతారాధన చేస్తే ఎన్నో మంచి ఫలితాలు కలుగుతాయి . పూర్ణిమ నాడు తెల్లవారు ఝామున వెళ్లి సముద్రస్నానము చేయడం మంచిది .

పూర్ణిమలలొకెల్ల మాఘమాసం లో వచ్చే పూర్ణిమ, కార్తీక మాసం లో వచ్చే పూర్ణిమ , వైశాఖ మాసం లో వచ్చే పూర్ణిమ లు ఎంతో ఉత్కృస్ట మైనవి . ఆ పూర్ణిమల లో చేసే దేవతారాధన  మరింత శ్రేస్టమయినది . ” మహామాఘి , అలభ్యయోగం ” అని ఈ మాఘ పూర్ణిమను అంటారు . అంటే ఈ రొజున ఏ నియమాన్ని పాటించినా అది విశేష ఫలితం ఇస్తుందన్నమాట .

వైశాఖీ కార్తీకీ మాఘీ ! తిధయోతీవ పూజిత: !!

స్నానదాన విహీనాస్తా ! ననేయా: పాండునందన !! .

అని చెప్పబడింది . స్నాన దాన జపాది సత్కర్మలు లేకుండా ఈ పూర్ణిమలను గడుపకూడదు.

స్నానము :
యాగాల్లో అశ్వమేధం, వ్రతాల్లో సత్యనారాయణస్వామి వ్రతం, ధర్మాల్లో అహింస ఎంత గొప్పవో స్నానాల్లో మాఘస్నానం అంతగొప్పది. అలాంటి మాఘస్నానాన్ని ప్రవాహజలంలో చేస్తేనే అధికఫలితం. . జపం, తపం, దానం, వ్రతం మొదలైనవాటితో కూడా ఆ భగవంతుణ్ణి సంతృప్తిపరచలేమేమోగానీ… మాఘమాసంలో కేవలం స్నానం వల్లనే ఆయన

ప్రసన్నుడై భక్తులను సకలపాపాలనుంచీ విముక్తుణ్ణి చేస్తాడని పద్మపురాణం ఉత్తరఖండంలోని మాఘమాస మహత్యం చెబుతోంది. కార్తీకమాసం దీపప్రజ్వలనకు ప్రత్యేకమైతే… మాఘం స్నానాలకు ప్రత్యేకం. నారద పురాణాన్ని అనుసరించి… దేవతలు తమ శక్తులనూ తేజస్సులనూ మాఘమాసంలో జలాల్లో ఉంచుతారు. అందువల్ల మాఘస్నానం చాలా మంచిది. ఈ మాసంలో వస్త్రాలూ గొడుగులూ నువ్వులూ దానంచేస్తే విశేషఫలం లభిస్తుంది.

సూర్యోదయానికి ముందే…

పౌర్ణమినాడు చంద్రుడు మఘ(మఖ) నక్షత్రంతో ఉండే మాసం మాఘమాసం. మాఘమాస మహత్యం బ్రహ్మాండ పురాణంలో ఉంది. ఈ మాసంలో సూర్యోదయానికి ముందుచేసే స్నానాలు ఆరోగ్యదాయకం. సూర్యుడు భూమికి దగ్గరగా వచ్చే కాలమిది. ఈ సమయంలో సూర్యోదయ వేళల్లో సూర్యకిరణాలు ప్రత్యేక కోణాల్లో భూమిపై పడతాయి. అందువల్ల సాధారణ సూర్యకిరణాలకంటే వీటి సాంద్రతలో చాలా తేడా ఉంటుంది. ఈ కిరణాలు నీటిపై పడటం వల్ల ఆ నీరు చాలా శక్తిమంతమవుతుందట. అందుకే, జనవరి 20 నుంచి మార్చి 30 వరకూ సూర్యోదయానికి ముందుచేసే స్నానాలు చాలామంచివని చెబుతారు.

మాఘమాసం సూర్యసంబంధమైన అర్చనామాసం. ఈ నెలలో ఆదివారం చాలా పవిత్రమైనది. ఈ రోజున తలస్నానం చేసి, సూర్యభగవానుడికి నమస్కరించాలి. ఆదిత్యహృదయం, సూర్యాష్టకం వంటివి చదవాలి. మాఘంలో సూర్యోదయానికి ముందు నక్షత్రాలున్నప్పుడు చేసే స్నానమే అత్యుత్తమమైనది. సూర్యోదయం తరవాత చేసే స్నానం నిష్ఫలమైనది. మాఘమాసమంతా నదీస్నానం చేయలేనివాళ్లు కనీసం మూడురోజులైనా చేయాలట. ఈనెలలో అమావాస్యనాడు ప్రయాగలో స్నానంచేస్తే సమస్త పాపాల నుంచీ విముక్తి లభిస్తుందని మహాభారతంలోని అనుశాసనిక పర్వం చెబుతోంది.

సనాతనధర్మంలో స్నానానికి ఎంతో విశిష్టస్థానం ఉంది. మనం రోజూ చేసే స్నానం దేహాన్ని శుద్ధిచేసి, మనలోని ప్రకోపాన్ని తగ్గించి, ప్రశాంతతను చేకూరుస్తుంది. ఈ స్నానాలు నిత్య, నైమిత్తిక, కామ్య, క్రియాంశ, అభ్యంగన, క్రియా అని ఆరు రకాలు. ఇందులో వైశాఖ, కార్తీక, మాఘమాసాల్లో ప్రత్యేక ఫలితాలను కోరి చేసే స్నానాలనూ; యజ్ఞయాగాదుల్లో చేసే స్నానాలనూ కామ్యస్నానాలుగా చెబుతారు. ఇలాంటి స్నానం ప్రవాహజలాల్లో… ముఖ్యంగా 

సాగరసంగమ ప్రదేశాల్లోనూ చేస్తే ఇంకా మంచిది.

​ఫిబ్రవరి 12 తేదీ నాడు రధసప్తమి మీ ఇంట్లో ఇలా చేయండి

రధసప్తమి పవిత్రమైన దినం. ఈ రోజునుండి ఆదిత్యుని శక్తి భూమికి పుష్కలంగా లభిస్తుంది. సర్వదేవతామయుడైన ఆదిత్యుని ఆరాధించడం చేత తేజస్సు, ఐశ్వర్యం, ఆరోగ్యం సమృద్ధిగా లభిస్తాయి. ఈ దినాన అరుణోదయ స్నానంతో సప్త జన్మల పాపాలు నశించి, రోగము, శోకము వంటి ఇబ్బందులు తొలగుతాయి.

ఈ రోజున స్నానం చేసేటప్పుడు సూర్యనారాయణుని మనసారా ధ్యానించి తలపై జిల్లేడాకులు, రేగాకులు పెట్టుకొని స్నానం చేయాలి – అని ధర్మశాస్త్రం చెబుతుంది. ఈ సప్తమి సూర్యగ్రహణంతో సమానం.

“సూర్యగ్రహణ తుల్యాతు శక్లామాఘస్ సప్తమీ”

ఆకారణం చేత ఈ రోజున సరియైన గురువునుండి, మంత్రదీక్షలు తీసుకొన్నా, కొత్త నోముు పట్టినా విశేషఫలం ఉంటుంది. తమకు ఉపదేశింపబడ్డ మంత్రాలను అధిక సంఖ్యలో అనుష్ఠించడానికి అనువైన సమయమిది.

ఈ రోజున స్నానం చేసేటప్పుడు చదువ వలసిన శ్లోకాలు:
నమస్తే రుద్ర రూపాయ రసానాం పతయే నమః

అరుణాయ నమస్తేస్తు హరివాస నమోస్తుతే!!

యద్యజ్జన్మ కృతం పాపం మయా జన్మసు సప్తసు!

తన్మే రోగంచ శోకంచ మాకరీ హంతు సప్తమీ!!

ఏతజ్జన్మ కృతం పాపం యజ్జన్మాంత రార్జితమ్!

మనో వాక్కాయజం యచ్చ జ్ఞాతాజ్ఞాతే చ యే పునః!!

ఇతి సప్త విధం పాపం స్నానాన్మే సప్త సప్తికే!

సప్త వ్యాధి సమాయుక్తం హరమాకరి సప్తమీ!!

సూర్యుడు మకరంలో ఉండగా వచ్చే ఈ దివ్య సప్తమి నాడు సూర్యుని నమస్కరించి పై శ్లోకాలు చివి స్నానం చేస్తే సమస్త వ్యాధులు, శోకాలు నశిస్తాయి.
౧. ఈ జన్మలో చేసిన, ౨. జన్మాంతరాలలో చేసిన, ౩. మనస్సుతో, ౪. మాటతో, ౫. శరీరంతో, ౬. తెలిసీ, ౭. తెలియక చేసిన సప్తవిధాలైన పాపాలను పోగొట్టేశక్తి ఈ రథసప్తమికి ఉన్నది.
చందనంతో అష్టదళ పద్మాన్ని లిఖించి, ఒక్కొక్క దళం చొప్పున రవి, భాను, వివస్వత, భాస్కర, సవిత, అర్క, సహస్రకిరణ, సర్వాత్మక – అనే నామాలు గల సూర్యుణ్ణి భావించి పూజించాలి. ఎర్ర చందనం, ఎర్రని పువ్వులతో సూర్యుని అర్చించడం విశిష్టమైనది.
ఆవు పేడ పిడకలను కాల్చి ఈ వేడిలో క్షీరాన్నాన్ని వండి సూర్యునికి నివేదించాలి. ఆ క్షీరాన్నాన్ని చెరుకు ముక్కలతో కలుపుతూ ఉండాలి. దానిని చిక్కుడు ఆకులలో ఉంచి నివేదిస్తారు. చిక్కుడు, జిల్లేడు, రేగు – పత్రాలలో సౌరశక్తి విశేషంగా నిక్షిప్తమై ఉంటుంది.
జననీ సర్వలోకాకే సప్త వ్యాహృతికే దేవి

నమస్తే సూర్యమండలే – అని సప్తమీ తిథి దేవతని సూర్యమండలాన్ని నమస్కరించాలి. జిల్లేడు, రేగు, దూర్వాలు, ఆక్షతలు, చందనాలు కలిపిన నీటితోగాని, పాలతో గాని, తామ్రపాత్ర ద్వారా అర్ఘ్యమివ్వడం మంచిది.
 తిథులలో సప్తమి తిథికి సూర్య నారాయణ మూర్తి యాజమాన్యాన్ని కలిగి ఉన్నాడు. ఏడవ తిథి సప్తమి. అలాగే సప్తమి తర్వాత వచ్చే తిథి అష్టమి. అష్టమి మొదలుగా చంద్రునకు రిఫ అనే దోషము కూడా ఆపాదింప బడుతుంది. సప్తమి తిథి పూర్తి కావడంతో వచ్చే గుణగణాదులు పూర్తిగా మారిపోతాయి అష్టమి తిథితో. అందుకే ఈ సప్తమి తిథికి శరీరానికి ప్రాతినిధ్యం వహించేటటువంటి, తను భావ కారకుడైనటువంటి, పిత్రుభావ కారకుడైనటువంటి సూర్య నారాయణ మూర్తి యాజమాన్యాన్ని కలిగి ఉన్నాడు. అటువంటి ఈ సూర్య నారాయణ మూర్తి పుట్టినటువంటి రోజు మాఘ శుద్ధ సప్తమి. దీనికి సూర్యసప్తమి అని పేరు. అలాంటప్పుడు రథసప్తమి అన్న పేరు ఎలా వచ్చింది? మిగతా ఏ పండుగలకూ లేని ప్రత్యేకత రథసప్తమికి ఎలా ఏర్పడింది? అంటే సూర్య నారాయణ మూర్తి ప్రత్యేకంగా ఆయన రథం చెప్పుకోదగ్గది. ఆయన రథానికి ఒకటే చక్రం ఉంటుందిట. ఒక చక్రం ఉండే రథం ప్రపంచంలో ఉంటుందా? రెండు చక్రాలు కావాలి కదా మనం వెళ్ళాలి అంటే. సూర్యుని రథం మటుకు ఒకే చక్రం. నిర్ణీతమైన ప్రమాణంలో ప్రపంచంలో ఏం జరిగినా క్రమం తప్పకుండా ప్రయాణించేటటువంటి వాడు సూర్య నారాయణుడు. కనుక ఆ సప్తమి రథసప్తమి, సూర్య సప్తమి. “దుర్ముఖ నామ సంవత్సరే ఉత్తరాయనే శిశిర ఋతౌ మాఘమాసే శుక్లపక్షే సప్తమ్యాం కృత్తికా నక్షత్రే కళింగ దేశాధిపతిం ” అంటూ సూర్య నారాయణ మూర్తి వృత్తాంతం అంతా కూడా నవగ్రహార్చన చేసే సమయంలో చెప్తూ ఉంటారు.
 ఆ స్వామి కృత్తికా నక్షత్రంలో జన్మించాడు అని వర్ణిస్తాయి సాంప్రదాయ గ్రంథాలన్నీ కూడా. దక్షిణాయనం పూర్తీ అయిపోయి ఉత్తరాయణ పుణ్యకాలం ప్రారంభమైన సంక్రాంతి పిమ్మట వచ్చే సప్తమి తిథికి రథసప్తమి అని గుర్తించాలి. ఇకనుంచి సంపూర్ణమైన కాంతి కిరణాలు మనపైన ప్రసరిస్తాయి ఉత్తరాభిముఖంగా. కనుక ఈ తిథి నాడు సూర్య రథాన్ని ప్రతిబింబించే విధంగా వాకిళ్ళలో సూర్య రథం ముగ్గు వేయడం, అలాగే సూర్య నారాయణ మూర్తిని సోత్రం చేయడం, చేయాలి. ఇంతటి ప్రాముఖ్య కలిగిన రోజు రథసప్తమి రోజు. సూర్య నారాయణ మూర్తిని ఆరాధన చేస్తే ఆరోగ్యం చేకూరుతుంది.🌹
రథ సప్తమి రోజు స్నానం , పూజ , వ్రతం…….!!
మాఘప్రశస్తి:
మా+అఘ=పాపంలేనిది – పుణ్యాన్ని కల్గించేది. మనం చేసే పూజలూ, వ్రతాలూ అన్నీ పుణ్యసంపాదన కొరకే. శివకేశవులకు ఇరువురికీ మాఘం ప్రీతికరమైనదే! ఉత్తరాయణం మకరసంక్రమణంతో ప్రారంభమైనా – రధసప్తమి నుండియే పూర్తిగా ఉత్తరాయణ స్పూర్తి గోచరిస్తుంది. ఈ నాటి నుండి వేసవి ప్రారంభమైనట్లే!

ఆరోగ్యం భాస్కరాదిచ్చేత్ – ఆరోగ్య ప్రదాతగా శ్రీ సూర్యదేవుని చెప్తారు. ఈ మహా పర్వదినాన ఆ సూర్య భగవానుని భక్తీ  శ్రద్ధ లతో పూజించి పూర్తి ఆరోగ్యాన్ని, ఐశ్వర్యాన్ని పొందుదాం.
చదుకొవలిసిన స్తోత్రాలు
ఆదిత్యహృదయం, సూర్య స్తోత్రం, నవగ్రహ స్తోత్రం తప్పక పారాయణ చేయడం సకల శ్రేయోదయకమని గురు వాక్యం.
మాఘ శుద్ద షష్టి నాడు నూరిన నువ్వుల ముద్దతో శరీరానికి నలుగు పెట్టుకుని అందుబాటులో వున్న నది, చెరువు దగ్గర స్నానం చేయాలి. ఈ రోజు అంటె మాఘ శుద్ధ షష్టి రోజున ఉపవాసం ఉండి సూర్య ఆలయానికి వెళ్ళి పూజ చేయాలి. ఆ మర్నాడు అంటే సప్తమి తిధిన సూర్యోదయానికి ముందే మాఘ స్నానంచేయాలి.

సప్తమి రోజు ఉదయాన్నే ఇంటి దగరె స్నానం చేసి ఉతికిన బట్టలు కట్టుకుని నదీ స్నానం చేయడానికి వెళ్ళాలి. ఇంట్లో స్నానం చేయకుండా , విపిన బట్టలు కట్టుకుని నది స్నానం చేయకూడదు. నది స్నానకి వెళ్ళే ముందు చిక్కుడు ఆకుల్లో దీపం వెలిగించి నెత్తి మీద జాగ్రత్త గా పెట్టుకుని నదిలో నెమ్మదిగా మునిగి ఆ దీపం నీలలొ తేలుకుంటూ ముందుకు సాగి వెల్లెలాగ సూర్యోదయ సమయాన స్నానం చేయాలి.
ఏటా మాఘశుద్ధ సప్తమినాడు తలమీదా , భుజాల మీదా , మోచేతి మడతల మీద , అరచేతుల్లోనూ ( మొత్తం ఏడు) జిల్లేడు ఆకులను తలపైన ధరించి నదీస్నానము చేసినచో ఏడు జన్మములలో చేసిన పాపములు నశిస్తాయని గర్గమహాముని ప్రబోధము (ఆకు తలపై ఉంచుకుని దానిపై రేగిపండు పెట్టి తల స్నానం చేస్తూ కింది శ్లోకాన్ని చదువుకోవాలి).
రధసప్తమినాటి శిరస్నానం వేళ పఠించవలసిన మంత్ర శ్లోకం
యదా జన్మకృతం పాపం మయాజన్మసు జన్మసు,

తన్మీరోగంచ శోకంచ మాకరీ హంతు సప్తమీ.

ఏతజ్ఞన్మకృతం పాపం యచ్చ జనమంతరార్జితం,

మనోవాక్కాయజం యచ్చ జ్ఞాతాజ్ఞాతేచ యే పునః

సప్తవిధం పాపం స్నానామ్నే సప్త సప్తికే

సప్తవ్యాధి సమాయుక్తం హరమాకరి సప్తమి.
జనమ జన్మాంతారాలో, మనోవాక్కాయాలతో, తెలిసీ, తెలియక చేసిన సప్తవిధ పాపాలవల్ల ఏర్పడిన రోగం, శోకం, మున్నగునవన్నీ ఓ లక్ష్మీకరమైన  మకర రాశిలోని సప్తమి ఈ స్నానంతో నశించుగాక! అని దీనర్ధం. అన్నట్టు ఈ రోజున తల్లిదండ్రులు లేని వారు వారికి తర్పణం విడుస్తారు. ఈ రోజు ఆకాశం లో నక్షత్ర కూటమి రధం ఆకారం లో ఉంటుంది.
రోగ నివారణ /సంతాన ప్రాప్తి కోసం – రధ సప్తమి వ్రత విధానం
స్నానాతరం గట్టు దగ్గర పొడి బట్టలు మార్చుకుని పూజ చేయాలి. అష్టదల పద్మం ముగ్గు (బియ్యం పిండి తో ) వేసి అందులో సూర్య నామాలు చెప్తూ 7 రంగులు నింపాలి . అష్ట దళ పద్మ మద్య లో శివ పార్వతులను పెట్టి పక్కనే ఒక కొత్త తెల్లని వస్త్రం పరిచి దానిమీద సూర్యుడు రధాని (7 గుర్రాలు) నడుపుతున్న బంగారు ప్రతిమ లేదా బంగారు రథమును అచ్చుచేయించి కుంకుమాదులు దీపములతో అలంకరించి అందు ఎర్రని రంగుగల పువ్వులు సూర్యుని ప్రతిమ నుంచి సూర్యుడికి పూజ చేయాలి. సంకల్పం చెప్పుకోవాలి ఎవరి రోగ నివారణ కోసం చెస్తునామొ లేదా ఎవరికీ సంతానం కలగాలని చెస్తునామొ వారి పేరు గోత్రనామలు చెప్పుకొని పూజ చేసి ఈ బంగారు ప్రతిమను ఒక గురువునకు లేదా బ్రాహ్మణుడికి దానం ఇవాలి . తరువాత ప్రతి నెల సప్తమి రోజు సూర్య భగవానుడికి నమస్కరించి సంకల్పం చెప్పుకుని  ఉపవాసం ఉండాలి. ఈ సంవత్సర కాలం నియమంగా నిష్టగా గ ఉండాలి . సూర్య భగవానుడికి అర్ఘ్యం ఇవాలి .
వ్రత కధ
పూర్వం ధర్మరాజు ఒకసారి శ్రీకృష్ణ భగవానుడిని రథ సప్తమి విధానాన్ని గురించి వివరించమని కోరాడు. అప్పుడు కృష్ణుడు వ్రత కధతో సహా వ్రత విధానాన్ని వివరించాడు.
పూర్వం కాంభోజ దేశాన్ని యశోవర్తనుడు అనే రాజు పరిపాలిస్తూ ఉండేవాడు. ఆ రాజుకు లేక లేక ముసలితనంలో ఓ కుమారుడు జన్మించాడు. కొడుకు పుట్టాడన్న సంతోషం కొద్ది సమయం మాత్రమే ఆ రాజుకు దక్కింది. పుట్టిన బిడ్డ ఏదో ఒక రోగంతో బాధ పడుతూ ఉండేవాడు. జబ్బున పడ్డ కొడుకును చూసి రాజుకు ఎంతో దిగులు వేసింది. ఎన్ని వైద్యాలు చేయించినా ఫలితం లేకపోయే సరికి క్రాంతధర్శనులైన ఋషులను పిలిపించి తన కుమారుడికి కలిగిన అనారోగ్యాన్ని గురించి చెప్పి దానికి విరుగుడు తెలియచేయమన్నాడు. త్రికాల వేదులైన ఆ ఋషులు రాజకుమారుడిని చూసి ఆ బిడ్డ గత జన్మనంతటినీ అవగతం చేసుకున్నారు. గత జన్మలో ఎంతో సంపన్నుడైనా ఎవరికీ కద్దిపాటి దానం కూడా చేయలేదు. అయితే అతడు జీవితం చివరిదశలొ ఒకసారి ఎవరో చేస్తూ వున్న రథ సప్తమి వ్రతాన్ని చూసాడు. అలా ఆ వ్రతాన్ని చూసిన పుణ్య కారణంగా రాజు ఇంట బిడ్డగా జన్మించాడు. సంపదలుండి దానం చెయ్యని పాపానికి రాజ కుటుంబంలో జన్మించినా నిరంతరం రోగగ్రస్తుడై ఉంటున్నాడని ఋషులు చెప్పారు. తన బిడ్డ ఆ విషమ పరిస్ధితి నుండి బయట పడటానికి ఏదైనా ఉపాయం చెప్పమన్నాడు రాజు. అప్పుడు ఆ ఋషులు రధ సప్తమీ వ్రతాన్ని శాస్త్ర విధిగా చెయ్యమని, అలా
చేస్తే రాజకుమారుడి రోగాలు నశిస్తాయని చెప్పారు.

సాయంకాలం వరకూ ఉపవాసం ఉండి పూజలు చేసి రకరకాల పండ్లను నివేదించి ఆ రాత్రికి జాగారం చేయాలి. ఆ వ్రతం అంతా నది, సరోవర తీరాలలో చెయ్యడం మేలు. ఆ మరునాడు సూర్యుడికి మళ్ళీ పూజలు చేసి దానధర్మాలు, వ్రతపారాయణ అనంతరం రధాన్ని, సూర్యప్రతిమను ఉత్తములూ, అర్హులూ అయిన వారికి దానమివ్వాలి. ఇలా చేస్తే సర్వరోగ విముక్తి, పుణ్యలోక ప్రాప్తి కలుగుతాయి అని కాంబోజరాజుకు పూర్వం ఎప్పుడో ఋషులు చెప్పిన విషయాన్ని కృష్ణుడు ధర్మరాజుకు చెప్పాడు.
ప్రస్తుతం ఈ వ్రతానికి సంబంధించి కాలానుగుణంగా బంగారు రధం లాంటివి లేకపోయినా చిక్కుడు కాయలతో రధాన్ని చేయడం కనిపిస్తుంది.
ఇంటి దగ్గర పూజ , నివేదన
ఈ రోజున సూర్యుణ్ణి పూజించి ఆరు బయట సూర్యకాంతి పడే ప్రదేశంలో ముందుగ ప్రదేశాన్ని గోమయం తో (ఆవు పేడ) సుద్ధి చేసి గోమయం తో చేసిన పిడకల్ని చక్కగా గుండ్రంగా ఒక దాని పై ఒకటి అమర్చి వెలిగించి, ఆ పిడకల పొయ్యిమీద ఇత్తడి పాత్ర ఉంచి ఆవు పాలను దానిలో పోసి, పాలు పొంగు వస్తున్న తరుణంలో కొత్త బియ్యం,

బెల్లం అందులో వేసి చిక్కగా నివేదనకు సిద్ధం గా చెక్ర పొంగలి వండుతారు. ఈ  పరమానాని చిక్కుడు ఆకుల్లో పెట్టి నైవేద్యం పెడతారు. ఈ పొంగలి ప్రసాదం చిక్కుడు ఆకులో పెట్టి నివేదన చేస్తారు.  వితరణ కూడా చిక్కుడు అకులోనే చేస్తారు.
పాలు పొంగించడం ఆ ఇంటి వృద్ధి కి సంకేతం. ఇంకో విషయం  ఈ పర్వదినాన పెద్దగా ఉన్న గింజ కట్టిన మంచి చిక్కుడు కాయల్ని వాడి కొబ్బరి ఆకు పుల్లల సహాయంతో రథంగా చేసి  సూర్యదేవుని రధంగా దానిని భావించి పూజ చేయాలి . (బంగారం తో అంటే ఈ కాలంలో కష్టం కదా .. )

రథసప్తమినాడు బంగారముగాని, వెండిగాని, రాగిగాని ఆ రోజు ఉపవాసముండి, సూర్యసంబంధమగు రథోత్సవాది కార్యక్రమములను చూచుచూ కాలక్షేపం చేయాలి. ఇట్లు రథసప్తమీ వ్రతముచే సూర్యభగవానుని అనుగ్రహముచే ఆయురారోగ్యాది సకల సంపదలు కురియునని పురాణప్రబోధము. రథసప్తమి వ్రతము మన సంప్రదాయమున నిలచియుండుత భారతీయతకు చిహ్నము.
సప్త…. అంటే ఏడు కి చాలా విశిష్టత ఆకాశం లో ఇంద్రధనుస్సు రంగులు ఏడు, సూర్యభగవానుడి రధానికి అశ్వాలు ఏడు, సంగీతాలు స్వరాలు ఏడూ(సప్త స్వరాలు), మనకి సప్త వారాలు,( ఏడు రోజులు)సప్త ద్వీపాలు, సప్త ఋషులు,సప్త గిరులు సంగతి తెలిసిందే( ఏడు కొండలవాడు),సప్త సముద్రాలు, సప్త లోకాలు,అలాగే సూర్యభగవానుడి కిరణాల్లో మొదటి ఎడు ముఖ్యమైనవి అని చెబుతారు. 
ఆ ఏడింటి పేర్లు తెలుసునా!
మొదటి కిరణం- సుషుమ్నం 

రెండవ కిరణం- హరి కేశు

మూడవ కిరణం- విశ్వ కర్మ

 నాల్గవ కిరణం- విశ్వ వ్యచ

ఐదవ కిరణం- సంపద్వసు 

ఆరవ కిరణం- అర్వాదము

ఏడవ కిరణం- స్వరాడ్వసు.
 సర్వేజనాస్సుఖినోభవంతు .