శ్వేతార్కాలో రేపు గీతజయంతి వేడుకలు

శ్రీ వికారి నామ సంవత్సరే,మార్గశిరమాసే,
హేమంతఋతువు,దక్షిణాయనే,శుక్లపక్షే
ఏకాదశినాడు కాజిపేట స్వయంభు శ్రీశ్వేతార్క గణపతి దివ్య క్షేత్రంలో కొలువైవున్న భామ రుక్మిణీ సమేత శ్రీకృష్ణ దేవాలయంలో సామూహిక విష్ణుసహస్రనామ పారాయణం మరియు భాగవత్గీత పారాయణము తులసీ అర్చన జరుగును… లోకహితమై పరమాత్మ అర్జునిడికి దుష్టశిక్షణ శిష్టరక్షణాకై భాగవత్గీత ను ఉపదేశించారు. అలాంటి భాగవత్గీత లోని కొన్ని ముఖ్య అంశాలు జీవితంలో భాగవత్గీత యొక్క ఆవశ్యకత ఎంతవరకు అనే అంశాలపై కాజిపేట పట్టణ పురోహితులు ఐనవోలు వెంకటేశ్వర్లు శర్మ భక్తులను ఉదేశించి మాట్లాడతారు.. తదుపరి హారతి,తీర్థప్రసాదా వితరణ జరుగును. భక్తులు అధిక సంఖ్యలో పాల్గొని ఈ సామూహిక భాగవత్గీత పారాయణము లో పాల్గొని శ్రీస్వామివారి అనుగ్రహమునకు పాత్రులు కాగలరు …

ఇట్లు

ఎల్.రవి

దేవాలయ మేనేజర్

గీతా జయంతి విశిష్టత……

గీతా జయంతి హిందూ పవిత్ర గ్రంధం భగవద్గీత పుట్టినరోజు.

ఇది భారతదేశం మరియు ప్రపంచ వ్యాప్తంగా హిందూ పంచాంగం ప్రకారం మార్గశిర శుద్ధ ఏకాదశి రోజు జరుపుకొంటారు.
గీత సాక్షాత్తు భగవానునిచేత పలకబడినది .
కాబట్టి ఏ సందేహానికి తావులేకుండా భగవద్గీత పరమ ప్రామాణికమైన మానవజాతికి దివ్యమార్గాన్ని చూపే పవిత్రగ్రంథం. ప్రతి ఇంట్లో తప్పకుండా భాగవత్గీత పుస్తకం ఉంచుకొని, వారి పిల్లలకు అట్టి పవిత్ర గ్రంథ విశిష్టతను శ్లోకాలను నేర్చుకోవాల్సిందిగా కోరుతున్నాము.