02.డిసెంబర్.2019 సోమవారం రోజున సుబ్రమణ్య షష్టి పూజలు

ఈ సందర్భంగా కాజీపేట శ్వేతార్క మహా గణపతి క్షేత్రంలో కొలువైవున్న శ్రీ వల్లీ దేవసేనా సమేత సుబ్రహ్మణ్యేశ్వర స్వామి వారికి 7గం.లకు పంచామృత మరియు వెన్నేతో అభిషేకం చేయబడును.10.30 ని. లకు ప్రత్యేక సుబ్రహ్మణ్యేశ్వరస్వామి మూలమంత్ర హోమం…హోమంలో పాల్గొనడం వలన కాలసర్పదోషం, కుజదోషము, శ్రీఘ్రకళ్యాణం, సంతానప్రాప్తి, సకల ఐశ్వర్యాలు కలిగిస్తుంది. త్రిశతి పారాయణము మరియు దత్తయా నమః నామసంకిర్తన జరుగును…వివరాలకు 9394810881 నకు ఫోన్ ద్వారా మరిన్ని వివరాలు తెలుసుకొనవచ్చును.

*శ్రీసుబ్రహ్మణ్యస్వామి షష్టి విశేషం*
*
పంచమినాడు ఉపవాసం ఉండి, షష్టి నాడు కుమారస్వామిని పూజించడం ఓ సంప్రదాయంగా వస్తుంది. నాగదోషాలకు, సంతానలేమి, జ్ఞానవృద్ధికి, కుజదోష నివారణకు సుబ్రహ్మణ్య ఆరాధనమే తరుణోపాయం. స్కంద పంచమి, షష్టి రోజుల్లో శ్రీ వల్లీ దేవసేన సమేత సుబ్రహ్మణ్యస్వామిని భక్తిశ్రద్ధలతో ఆరాధిస్తే సకల సంపదలు, సుఖవంతమైన జీవితం చేకూరుతుంది.

మహశివుని అనుగ్రహంతో లోక కళ్యాణం కోసం కుమారస్వామి ఉద్భవించాడు. ఈయన మహ శక్తివంతుడు. సాక్షాత్ పరమశివునిచే శక్తి అనే ఆయుధాన్ని పొందిన వాడు. కుమారస్వామి, కార్తికేయ, స్కంద,మురుగ,షణ్ముఖ,బాల, మహసేన,గుహ,వల్లినాయక, సుబ్రమణ్యస్వామి పేర్లతో పిలువబడుచున్నాడు. శూరపద్మ అనే రాక్షసుడిని సంహరించి లోక కళ్యాణం చేసినందులకు సుబ్రమణ్య షష్టిని జరుపుకొంటారు. మహమహిమోన్నతుడైన శ్రీ సుబ్రమణ్య స్వామిని భక్తితో పూజించినా స్మరించినా శక్తి యుక్తుల్ని, ఆరోగ్య ఐశ్వర్యాలను, సత్ సంతానాన్ని ప్రసాదిస్తాడ ని
తెలియుచున్నది.
ఇట్లు
అయినవోలు అనంత మల్లయ్య శర్మ సిద్ధాంతి కాజీపేట.

పరి _పూర్ణం_ గా జరిగిన కల్యాణోత్సవం …. పుష్కలం_ గా పాల్గొన్న అయ్యప్ప భక్తులు

This slideshow requires JavaScript.

స్వయంభు శ్రీ శ్వేతార్కమూల గణపతి స్వామివారి దివ్య క్షేత్రంలో కొలువై ఉన్న హరిహరసుత శ్రీ అయ్యప్ప స్వామి దేవాలయంలో ఈ రోజున అంగరంగ వైభవంగా పూర్ణ పుష్కలంబా సమేత శ్రీఅయ్యప్పస్వామి వారికి కల్యాణోత్సవాన్ని వైభవంగా నిర్వహించడం జరిగింది. ముందుగా ఉదయం ఏడు గంటలకు రమేష్ గురుస్వామి, పిల్లల కుమారస్వామి, సాయి కృష్ణ శర్మ టం టం హరి స్వామి అభిషేక కార్యక్రమం నిర్వహించారు. ఈ అభిషేక కార్యక్రమంలో 108 లీటర్ల పాలు, పంచామృతములు మరియు నవవిధా ఫల రసములు ఉపయోగించి అభిషేకం నిర్వహించడం జరిగింది. అనంతరం వేద పండితులు సందుగుల సుధన్వాచార్య, పిల్లలమఱ్ఱి కృష్ణ మోహన్ శర్మ, దేవనూరు శశాంక శర్మ అయినవోలు రాధాకృష్ణశర్మ , వై.క్రాంతి శర్మ ఆధ్వర్యంలో కళ్యాణోత్సవము నిర్వహించడం జరిగింది. అనంతరం భ్రమరాంబ మల్లికార్జున స్వామి దేవాలయ ప్రధాన అర్చకుడు అయినవోలు ప్రవీణ్ కుమార్ శర్మ ఆధ్వర్యంలో మహా పడిపూజ నిర్వహించడం జరిగింది. ఈ కార్యక్రమంలో గురుస్వాములు గొలనకొండ శ్రీనివాస్, రమేష్ బాబు ,అయినవోలు నాగరాజ్ శర్మ తదితరులు అభిషేక పూజలు పాల్గొన్నారు. దేవాలయ కార్యకర్తలు ఎం.రజిత ఎం. కవిత ,శకుంతల ,బేబీ సాయికుమారి, రమాదేవి, సుజాత, సులోచన, అయిత ఉమాదేవి, ఎం విజయలక్ష్మి, బి.రమేష్ ప్రవీణ్ ,సాయితేజ, శృతి, మరియు దేవాలయ సిబ్బంది యల్. రవి, డి సుదీర్, వి. శ్రీనివాస్, ఏ మణిదీప్, పద్మ, గుణవతి తదితరులు పాల్గొని భక్తులకు అన్నపూర్ణ భవన్లో అన్నదానం చేశారు.

అందరూ అయ్యప్ప కళ్యాణాన్ని ఆచరించాలి

అయ్యప్ప మాల ధరించిన ప్రతి భక్తుడికి అయ్యప్ప స్వామి కరుణ పరి పూర్ణముగా పుష్కలముగా లభించాలంటే పూర్ణ పుష్కలా సమేత అయ్యప్ప స్వామి కళ్యాణం ఆచరించ వలసిన అవసరం ఉందని. దీనిని గ్రంథంలో ప్రత్యేకంగా పేర్కొనక పోయినా దేవ దేవేరి ల యొక్క ప్రవర చెప్పబడినట్లు గా దాన్ని ఆధారంగానే తీసుకొని ఈరోజు దేవాలయంలో అయ్యప్ప కళ్యాణాన్ని నిర్వహించినట్టు , తెలుగు రాష్ట్రాలలో మొదటిసారిగా 2016లో అయ్యప్ప స్వామి కళ్యాణాన్ని జరపగా.ఈ రోజు మళ్ళీ దేవాలయం లో అంగరంగ వైభవంగా కళ్యాణాన్ని జరిపించడం జరిగిందని, స్కాందపురాణంలో అయ్యప్ప చరిత్రను తెలుప పడిందని ఈ విషయం దేవదేవేరి ల యొక్క ప్రవర ద్వారా తెలుస్తున్నది చెప్పారు.. దీని ద్వారా అయ్యప్ప స్వామి కళ్యాణము ఉన్నదనే విషయం అవగతం అవుతున్నదని. మరియు తమిళనాడు ప్రాంతంలో అచ్చం కోవెలలో పూర్ణ పుష్కల సమేత అయ్యప్ప స్వామి దేవాలయం ఉన్నదని,అయ్యప్ప స్వామి కళ్యాణం చేయడం వల్ల లోక కళ్యాణం జరుగుతుందని. అందరూ పూర్ణముగా పుష్కలంగా జీవించే అవకాశం ఉంటుందని అయినవోలు అనంత మల్లయ్య శర్మ సిద్ధాంతి అయ్యప్ప స్వామి భక్తులనుద్దేశించి అనుగ్రహ భాషణం చేస్తు తెలియచెప్పారు.

ఈరోజు కార్యక్రమానికి ముఖ్య అతిథులుగా ప్రజా నాయకులు జక్కుల రవీందర్ యాదవ్ మరియు మౌనికచరణ్ రెడ్డి, వై రవీంద్ర శర్మ కంది కోట శ్రీనివాస శర్మలు హాజరయ్యారు.

ఇట్లు

అయినవోలు రాధాకృష్ణశర్మ

దేవాలయ వైదిక కార్యక్రమ నిర్వాహకులు

శ్వేతార్కుడికి పుష్కర జలాభిషేకం

కార్తీక మాస సందర్భంగా ఈ రోజు శ్వేతా ర్కాగణపతి స్వామి వారికి విశేషించి. బ్రహ్మ పుత్ర నదీ పుష్కర జలంతో సహస్ర దారాభిషేకం జరుపబడిందీ. భక్తులు శనిగ రపు రాజ మోహన్ సుజాత దంపతుల చే తెప్పించబడిన ఈ జలం తో ఉపనిషద్ పూర్వకంగా,నమక చమక సహితంగా రుద్రాభిషేకం జరపబడింది.
ప్రతి సంవత్సరం పుష్కర జలంతో అభిషేకించడం ఆచారంగా వస్తోంది. ఈ రోజు జరిగిన ఈ పూజా లో భక్తులు అధిక సంఖ్య లో పాల్గొని స్వామి వారికి ఆలయ ప్రదక్షిణ చేసి అభిషేకం లో పాలుపంచుకున్నారు.
అభిషేక అంతరం భక్తులకు అట్టి జలమును శిరస్సుపై చిలకరించడం జరిగింది.
అనంతరం రాధా కృష్ణ శర్మ, సాయి కృష్ణ శర్మ ఆధ్వర్యంలో లో భక్తులచే రుద్ర హోమం చేశారు.
కార్తీక మాసంలో అగ్ని ఆరాధన చేయాలని.అందుకే దీపారాధనలు వెలిగించడం ఆచారంగా ఉందని తెలిపారు.
కార్య కర్తలు.సులోచన,రమాదేవి,రమ్య,బేబీ,ఉమాదేవి,విజయ కోటి,సవిత,భవాని,అయిత ఉమాదేవి, పాల్గొనగా దేవాలయ సిబ్బంది. రవి,సుధీర్,శ్రీనివాస్,పద్మ,గుణవతి,హరి స్వామి,దయాకర స్వామి, తదితరులు పాల్గొని అన్నదానం చేశారు.

*24 న కాళేశ్వర యాత్ర*

కార్తీక మాస సందర్భంగా ఈ నెల 24 వ తేదీన శ్వేతా ర్క గణపతి దేవాలయం నుండి భక్త బృందం కాళేశ్వరం వెళ్లడం జరుగుతుంది. అక్కడ త్రివేణి సంగమ గోదావరి నది లో స్నాన సంకల్ప విధి, సైకత లింగ పూజా,కాళేశ్వర ముక్తేశ్వర దర్శనం,నియమిత స్థలంలో శివాభిషేకం,దాత్రినారాయన పూజా,దీపదానము లు,ఉసిరిక చెట్టుకింద భోజనము లు ఇత్యాది వి జరిప బడుతాయి. రా దలచిన వారు బస్ బుకింగ్ కోసం 9347080055 కు ఫోన్ చేసి పేరు రాయించు కొనగలరు.

ఇట్లు
అనంత మల్లయ్య శర్మ సిద్ధాంతి.

…………………………

సీట్ ఒక్కరికి 850₹

ముందుగా చెల్లించిన వారికి ముందు సీట్స్ వరుసగా ఇవ్వబడుచున్నవి.

ఇప్పటివరకు 38 సీట్లు అయిపోయిన వి.
ఇప్పుడు రావాలనుకొనే వారు వెనక సీట్స్ లో కూర్చోవలసి ఉంటుంది.

13.11.2019నాడు కోటి దీపోత్సవం వేడుకలో శ్వేతార్క గణపతి స్వామివారు

వైభవోపేతంగా శ్వేతార్కలో కార్తీక పూర్ణమి వేడుకలు

బ్రహ్మపుత్ర నది పుష్కరాల జలం తో శ్వేతార్క గణపతి కి అభిషేకంకార్తీకమాసోత్సవ పూజా కార్యక్రమాల్లో భాగంగా ఈ రోజున స్వయంభు శ్రీ శ్వేతార్కమూలగణపతి దేవాలయ దివ్యక్షేత్రంలో కొలువై ఉన్న శ్రీ సంతాన నాగ లింగేశ్వరస్వామి దేవాలయంలో శివుడికి ప్రత్యేకంగా కార్తీక పూజలు జరుబడినవి. ఉదయం 6 గంటలకు జరిపిన పంచామృత అభిషేకములో కార్యకర్త శనిగారపు రాజమోహన్ చే అజ్మీర్ నుండి తెప్పించ బడిన బ్రహ్మపుత్ర నది పుష్కరాల జలం తో గణపతి కి మరియు శివుడికి పుషారాలు అవితున్నందున మహాన్యాసపూర్వక రుద్రాభిషేకము జరుపబడినది. ముందుగా పుష్కర జల పాత్రను తీసుకొని భక్తులుకార్య కర్తలు కలిసి మంగళ హారతులతో తో మంగళ వాయిద్యాలతో ఆలయము చుట్టూ ప్రదక్షిణ చేసి అనంతరం అభిషేకం చేయడం జరిగింది.అనంతరం ఉదయం 9 గంటలకు అర్చన హారతి తీర్థప్రసాద వితరణ, 11గంటలకు రుద్రహోమం మరియు శివకేశవ మూలమంత్రంలచే హవనం జరిపబడింది. అనంతరం
భక్తులు శివుని దగ్గర కార్తీక దీపారాధనలు చేశారు. తులసీ అమ్మవారి దగ్గర దామోదర వ్రతాన్ని జరిపారు. కార్తీక పూర్ణిమ ను పురస్కరించుకుని రామాలయం లో విష్ణు సహస్రనామ పారాయణలు. మరియు శ్రీవెంకటేశ్వర దేవాలయంలో కార్తీక దామోదర ప్రత్యేక పూజలు నిర్వహించారు. ఐనవోలు రాధా కృష్ణ శర్మ ఆధ్వర్యంలో శివునికి మహన్యాస పూర్వక ఏకాదశ రుద్రాభిషేకం, బిల్వదళ పూజలు జరుప బడినవి. ఈ రోజున శివకేశవ ఆరాధన చేస్తే మహా పుణ్యమని, భక్తులకు తెలపడం జరిగింది. శ్వేతార్క గణపతి దేవాలయం లో కొలువై ఉన్న శ్రీ సత్యనారాయణ స్వామి దేవాలయంలో భక్తులు సామూహికంగా సత్యనారాయణస్వామి వ్రతాలు నిర్వహించారు. వైష్ణవ ఆరాధకులు టంఠం దయాకర స్వామి. భక్తులచే సామూహిక సత్యనారాయణ స్వామి వ్రతాలు జరిపించగా సాయి కృష్ణ శర్మ పూజలు జరిపించారు. అనంతరం భక్తులు విశేషంగా లక్ష వత్తుల కార్తీక దీపాలను వెలిగించారు. వ్రతం అనంతరం భక్తులకు తీర్థ ప్రసాద వితరణ మరియు మహామంగళహారతి ఇవ్వడం జరిగింది. రాత్రి 7 గంటలకు జరిగిన ఆకాశ దీప పూజలో భక్తులు అధిక సంఖ్యలో పాల్గొన్నారు. దేవాలయానికి చెందిన గోపికాటీం కార్యకర్తలు పాల్గొని దీపోత్సవం నిర్వహించారు. ఇందులో లత శ్రీ ,ఉమారాణి, హరిపురంసునంద ,శీనమ్మ,పోషాలా శ్రీలత,లక్ష్మీ కల్పన,సుజాత,సవిత,సాయి కుమారి, రమాదేవి,ఉమాదేవి,సులోచన,శకుంతల,తదితరులు పాల్గొన్నారు. కార్తీక పౌర్ణమి వేడుకల సందర్భంగా దేవాలయంలో భక్తులు దీపాలతో పాటుగా కాకర వోత్తులు వెలిగించి. జ్వాలాతోరణం జరిపారు. ఈ రోజు పూజా కార్యక్రమంలో మాజీ డి సి సి బ్యాంక్ చైర్మన్ సతీమణి శ్రీమతి జంగా సుజాత గారు పూజల్లో పాల్గొన్నారుఈ రోజు పూజా కార్యక్రమానికి పూర్వ మెదక్ జిల్లా జడ్జి సాయి రమాదేవి, మరియు ప్రిన్సిపాల్ జడ్జ్ శ్రీనివాస రావు పాల్గొన్నారు
ఇట్లు
అయినవోలు అనంత మల్లయ్య శర్మ సిద్ధాంతి దేవాలయ వ్యవస్థాపకులు

కార్తీక మాసం సందర్భంగా కాళేశ్వర యాత్ర

*కార్తీక మాస సందర్భంగా కాళేశ్వర యాత్ర*

*రేపటి నుంచి బుకింగ్ ప్రారంభం*

కార్తీకమాస సందర్భంగా కాళేశ్వర యాత్ర రావాలనుకునేవారు రేపటి నుంచి పూర్తి రుసుమును (850₹) దేవాలయంలో చెల్లించి సీటు రిజర్వు చేసుకోవాల్సిందిగా తెలియజేస్తున్నాము.
లేదా 9347080055 అనే నెంబర్ లో గూగుల్ పే ద్వారా పే చేసి సీట్ రిజర్వ్ చేసుకోవచ్చు. 22-11-2019 రోజు వరకు కు పైసలు కట్టి ఉండాలి
*24 నవంబర్ 2019 ఆదివారం రోజున ఉదయం 5 గంటలకు దేవాలయం నుండి బస్సు బయలుదేరును.*
ముందుగా పూర్తి రుసుము చెల్లించిన వారికి ముందు వరుస నుంచి సీటు ఇవ్వబడుతుంది.

కాలేశ్వరం లో
నదీ స్థానము
శివుని దర్శనం
ధాత్రి నారాయణ పూజ దీప దానములు
కార్తీక పురాణ పఠనం కార్తీక వనభోజనము ఇత్యాది పూజలు జరుగును.

అక్కడ జరుపబడే పూజలకు సంబంధించిన అన్ని పూజాద్రవ్యములు దేవాలయంలో తక్కువ ధరల్లో లభించును

ఆ రోజున అన్నదానం చేయదలచిన వారు ముందుగా దేవాలయంలో సంప్రదించగలరు

ఇట్లు
దేవాలయ మేనేజిమెంట్ శ్వేతార్కమూల గణపతి దేవాలయం
కాజీపేట

అనంత వచనం

కోపమనేది మనసును దూరం చేస్తుంది. మనిషిని కాదు
*అనంతవచనం*

రేపు శ్వేతార్కాలో కర్తవీర్యార్జున పూజలు విశిష్టత

రేపు(3.11.2019 ఆదివారంనాడు) శ్వేతార్క గణపతి క్షేత్రంలో ఉదయం 10 గంటలకు ప్రత్యేక కర్తవీర్యార్జున పూజ,హోమం జరుగును. భక్తులు తెచ్చుకొను సామగ్రి — తులసి మాల,పూలమాల,కొబ్బరికాయ, కర్పూరం,పూలు,అగరుబత్తి తీసుకొని 9.30 లోపు దేవాలయానికి రాగలరు.9394810881

ఓం కార్తవీర్యార్జునో నమః రాజ బాహు సహస్రవాన్

తస్య స్మరణ మాత్రేణ గతం నష్టంచ లభ్యతే

ఒకసారి అగ్ని తనకు ఆహారము కావలెనని కార్తవీర్యార్జునుని అడిగెను. గిరినగరారణ్యమును భక్షింపుమని అనుమతిచ్చెను. ఆ అరణ్యములో మైత్రావరుణుని ఆశ్రమము కలదు, దానిని అగ్ని కాల్చివేసెను. మైత్రావరుణుని సుతులకు కోపము వచ్చి అతని బాహువులు పరశురాముడు ఖండించునని శపించెను.

ఒకమారు ఆ మహారాజు వేటకై వెళ్ళి, అలసి జమదగ్ని ఆశ్రమానికి చేరుతాడు. ఆ మహర్షి కార్తవీర్యార్జునునికి, ఆయన పరివారానికి పంచభక్ష్యాలతొ భోజనం పెడతాడు. ఆ మహర్షి ఆర్భాటం చూసిన కార్తవీర్యార్జునుడు ఆశ్చర్యపడి, దీనికి కారణం అడుగగా జమదగ్ని తన దగ్గర కామధేనువు సంతానానికి చెందిన గోవు వల్ల ఇది సాధ్యపడింది అని తెలుపాడు. ఆ గోవును తనకిమ్మని ఆ మహారాజు కోరతాడు. జమదగ్ని నిరాకరిస్తాడు. కార్తవీర్యార్జునుడు బలవంతంగా ఆ గోవుని తోలుకుపోతాడు. పరశురాముడు ఇంటికి వచ్చి విషయం గ్రహించి మాహిష్మతికి పోయి కార్తవీర్యార్జునునితో యుద్దంచేసి అతని వెయ్యిచేతులు, తలను తన అఖండ పరశువుతో ఛేదిస్తాడు. ఈ విషయాన్ని తన తండ్రికి విన్నవించగా తండ్రి మందలించి పుణ్యతీర్దాలు సందర్శించి రమ్మంటాడు. ఒక సంవత్సరం పాటు వివిధ పుణ్యక్షేత్రాలు దర్శించి వస్తాడు.
ఇంతకీ ఈ కార్తవీర్యార్జునుడు ఎవరూ అంటే సాక్షాత్తు విష్ణుమూర్తి కుడి చేతిలో ఉండే సుదర్శన చక్రం యొక్క అంశ. తను చేతిలో ఉండటం వల్లే విష్ణుమూర్తి రాక్షసులని సంహరించ గలుగుతున్నాడు అనే గర్వం ఏర్పడటంతో అది గ్రహించిన స్వామి సుదర్శనుని మనిషిగా పుట్టమని ఆదేశిస్తాడు. కాని భూలోకంలో మనిషిగా పుట్టిన కార్తవీర్యార్జునుడికి చేతులు ఉండవు. చేతులు లేకుండా పుట్టిన ఇతను దత్తాత్రేయుడిని పూజించి వెయ్యి చేతులు కలవాడిగా మారతాడు. అందుకే ఇతనిని సహస్రబాహు అని కూడా అంటారు. అంతేకాదు తనకి కేవలం శ్రీ హరి చేతిలో తప్ప ఇంకెవరి చేతిలో మరణం రాకుండా ఉండేలా వరాన్ని కూడా పొందుతాడు. ఇతను ఎంత బలశాలి అంటే అతి పరాక్రమవంతుడైన రావణాసురుడిని ఒక యుద్ధంలో బంధించి తన రాజ్యానికి తీసుకుని పోయి తరువాత పులస్త్య మహర్షి అభ్యర్ధన విని అతనిని వదిలేస్తాడు.
పరసురాముడు విష్ణుమూర్తి అవతారం కావటంతో కార్తవీర్యుని కోరిక కూడా తీరి మళ్లీ శ్రీహరి చేతిలో సుదర్శునుడిగా మారి, గర్వం విడిచిపెట్టి తన జన్మ సార్ధకం చేసుకుంటాడు.
కార్తవీర్యార్జునుడు శాపవశమున చేతులు లేకుండా జన్మించాడు. గొప్ప తపస్సుచేసి, దత్తాత్రేయుని ప్రసన్నము చేసుకొని, వెయ్యి చేతులను పొంది మహావీరుడైనాడు. దత్తాత్రేయ మహర్షి కి పరమ భక్తుడు. ఇతని రాజధాని వింధ్య పర్వతముల వద్ద గల మహిష్మతీపురము.

అలా అతి బలపరాక్రముడు అయిన కార్తవీర్యుడు తనకు లేని చేతులని తపస్సు చేసి పొందటమే కాకుండా శ్రీహరి చేతిలో ప్రాణాలు విడిచి మళ్లీ అతని కుడి చేతిలోనే సుదర్శన చక్రమై ఆ జన్మాంతం నిలిచి ఉంటాడు.శ్రీ కార్తవీర్యార్జున స్తోత్రం

శ్రీ కార్తవీర్యార్జున స్తోత్రం

కార్తవీర్య ఖలద్వేషి కృతవీర్య సుతోబలి
సహస్రబాహు శత్రుఘ్నో రక్త్రవాసా ధనుర్ధః
రక్తగంధో రక్తమాల్యో రాజాస్మర్తు అభీష్టదః
రాజసైతాని నామాని కార్తవీర్యస్య యః పఠేత్
సంపదః తస్య జాయంతి జనాస్తస్య వషంఘదః
అనాయతాషు క్షేమలాభయుతం ప్రియమ్.
కార్తవీర్యార్జునోనామ రాజా బాహు సహస్రభృత్
తస్య స్మరణ మాత్రేన హృతం నష్టం చ లాభయతి
కార్తవీర్యః మహాబాహో సర్వ దుష్ట విభర్హణః
సహస్రబాహుం సాహస్రం స రక్తాంబరం రక్తకిరీట కుణ్డలమ్,చోరాని దుష్టభయ నాశనం ఇష్టదం తం
ధ్యాయేత్ మహాబల విజ్హృంభిత
కార్తవీర్యం యస్య సంస్మరణాదేవ
సర్వ దుఃఖ క్షయోభవేత్ తం నమామి మహావీర్యార్జునమ్ కార్తవీర్యజం హైహయాధిపతేస్తోత్రం
సహస్ర వర్తనం క్రియం వాంచితార్థప్రదం నరాణామ్
శూద్ర దయైర్యాతి నామ శ్రుతమ్
ఇతి దమర తంత్రే ఉమామహేశ్వర సంవాదే
కార్తవీర్యస్తోత్రమ్ సంపూర్ణమ్.

తప్పిపోయిన మనుష్యులు వచ్చుటకు, రాని బాకీలు వసూలగుటకు.
మన మనసు లలో ఉన్న దిగులు హరించి స్వస్థత పొందడానికి ఇది అత్యావశ్యకం సమస్య తీవ్రంగా ఉన్నప్పుడు కార్తవీర్యార్జున హోమం తత్ దశాంశం తర్పణ మున్నగునవి శాస్త్ర ప్రమాణం గా ఆచరించడం మంచిది.

సర్వేజనా సుఖినో భవంతు సమస్త సన్మంగళాని సన్తు

కార్తవీర్యార్జున ద్వాదశనామస్తోత్రమ్ స్తోత్రం

అప్పు ఇచ్చి తిరిగిరాదు అనుకున్న సొమ్ము , పోయాయి అనుకున్న వస్తువులు, …… ఇల్లు వదిలి వెళ్ళిన వ్యక్తులు, వంటివి మనం తిరిగి పొందడానికి , స్థల సంబంధిత వివాదాలు , ఆస్తితగాదాలు నివారణకు చదువవలిసిన స్తోత్రం

కనీసం 28 సార్లు మండలం రోజులు చదవడం వలన ప్రయోజనం ఉంటుంది