భగవంతుడిచ్చిన పునర్జీవనం–భగవంతుడికే నా సేవ అంకితం

తిరుపతిలో ప్రముఖ ఆసుపత్రి లో చూపించుకొని ..వస్తుండగా మార్గమధ్యలో కూడా అస్వస్థత కలిగింది. హుటాహుటిన ఒంగోలు లోని కిమ్స్ ఆసుపత్రికి వెళ్లి అడ్మిట్ కావడం-చికిత్స-డిస్చార్జి అన్ని అయిపోయాయి.

ఆలోచించా..


మాలధారణ చేసి నిత్యజపం చేయాలి..భగవత్ స్మరణ తోనే అన్ని పోవాలి. (పోయిందని చెప్పిన ఈ శరీరం లోకి పునర్జీవుడుగా చేసి ఆత్మను భగవంతుడు ఇంకా ఉంచాడు కదా.. ) 

వెంటనే పూర్వాలోచనను అనుసరించి అక్కడున్న కేశవపట్నం బీచ్ కి వెళ్లి సముద్ర స్నానం చేసి మొదటి మాలను ధరించి పునీతుడనై, త్రోవలోనే బెజవాడలో కృష్ణమ్మ నదీ స్నానం చేసి రెండవ మాలను ధరించి కనకదుర్గ అమ్మ అనుగ్రహ జపబలం తో శక్తిని పొంది.మూడవ మాలను మా గురుదేవులు ఒజ్జల రాధాకృష్ణ శర్మ సిద్ధాంతి గారు తపస్సు చేసిన కోటిలింగాల రేవులో గోదావరి నదీ స్నానం చేసి మాల ధారణతో పూర్ణ శక్తిని పొందడం జరిగింది.

త్వరలో… మళ్లీ  పూజ,సాధన,జపం,భక్తులకు మునుపటి వలె కలువడం చేయాలని నిర్ణయించుకొన్నాను.
దీనికి ముందుగా పరమహంసపరివ్రజాకాచార్య శ్రీశ్రీశ్రీ మాధవానంద సరస్వతీ స్వామివారి అనుగ్రహం తో,శ్రీశ్రీశ్రీమధుసూధనానంద సరస్వతి స్వామివారి అనుగ్రహం తో అమ్మా నాన్నలు,పెద్దల,ఆశీస్సులతో

శ్వేతార్కుడి సన్నిధిలో *మహా మృత్యుంజయ హోమము,అన్నసమారాధన* చేసుకోని మళ్ళీ నా జీవన యాత్రను ఆరంభం చేసుకోవాలని ఆశిస్తున్నాను.

ఇది భగవంతుడి ఆజ్ఞగా భావిస్తు….

 నా బంధువులు,కార్యకర్తలు,భక్తులు,అభిమానులు అందరూ కూడా చెప్పిన రోజున హోమం నందు పాల్గొని. 

నాకు ప్రోత్సాహాన్ని అందించగలరు.
ఇట్లుఐనవోలు అనంత మల్లయ్య శర్మ సిద్ధాంతి

Telegram: t.me/swetharka

Facebook : facebook.com/swetharka

శ్వేతార్కలో వైభవంగా జరిగిన ధనలక్మి పూజ మరియు రామ మందిర నిర్మాణం త్వరగా శ్రీకారం కావాలని రామా భజనలు

దీపావళి పండుగ సందర్బంగా శ్వేతార్కగణపతి దేవాలయం లో కొలువైఉన్న శ్రీ మహాలక్ష్మీ అమ్మ వారికి ఘనంగా పూజలు జరుపబడినవి. ఉదయం 7గంటలకు అమ్మవారికి పంచామృతాభిషేకం,హరిద్రోదకాభిషేకం జరుపబడింది. అనంతరం అర్చన హారతి మరియు ఐనవోలు రాధాకృష్ణ,సాయికృష్ణ శర్మలు వ్యాపారస్తులు క్షేమాన్ని కోరుతూ లక్ష్మీ మూల మంత్ర హోమము జరుపబడింది. అనంతరం దేవాలయ ఆస్థాన గాయనీమణులు సాయకుమారీ,రమాదేవి లు సహస్రనామ స్తోత్ర పారాయణ,బైభవ లక్ష్మీ పూజలు జరిపారు. సాయంత్రం జరిపిన దీపారాధనలో భక్తులు అధిక సంఖ్యలో పాల్గొని దీపారాధనలు చేశారు. రామాజన్మభూమి లో మందిర నిర్మాణం త్వరగా కావాలని శ్రీరామ ఆకృతిలో దీపాలు వెలిగించారు. అనంతరం అన్నపూర్ణాభవన్ లో అన్నదానం జరిగింది. ఈ కార్యక్రమములో రజిత,ఉమాదేవి,శకుంతల,విజయకోటి,తదితరులు పాల్గొనగా సిబ్బంది యల్.రవి,శ్రీనివాస్,మణిదీప్,స్వప్న ,మహతి,కల్యాణి, శారదా,పుష్పలత తదితరులు పాల్గొన్నారు.

రామ మందిర నిర్మాణం మన కర్తవ్యం

జై శ్రీ రామ్
అయోధ్యలో శ్రీరామ మందిర నిర్మాణ కార్య సాఫల్యత కై ప్రతి దేవాలయంలో, ప్రతి ఇంటిలో “శ్రీ రామ” అనే ఆకృతిలో దీపాలను వెలిగించండి. 

దీపావళి పండుగ సందర్బంగా చేసే ఈ వెలుగులను మీ సంఘీ భావంగా దీపాలతో సెల్ఫీ దిగి చూపండి (పోస్ట్ చేయండి)..

ఓ హిందూ బంధువులారా ..

మనబలం ఆంజనేయ బలం

*రామ మందిర నిర్మాణం మన కర్తవ్యం*
జై శ్రీరామ్

ఐనవోలు అనంతమల్లయ్య శర్మ సిద్ధాంతి,కాజీపేట

చెప్పే వారి విషయంలోనే కాదు

చెప్పే వారి విషయం లొనే కాదు. వినే వారి విషయంలో కూడా ఎదుటి వారు  సరైన భావనను కలిగి ఉండాలి. లేకపోతే..అపార్థాలు,అనుమానాలు కలిగి సమానాతలు తొలగిపోయే ప్రమాదం ఏర్పడుతుంది.

*అనంతవచనం*